દિકરીના લગ્ન પાછળ મુકેશ અંબાણીએ ખર્ચી નાખ્યા આટલા કરોડો રૂપિયા

ભારતના સૌથી ધનિક વેપારી મુકેશ અંબાણીના દિકરીના લગ્ન આજે થવા જઇ રહ્યા છે કહેવાઇ રહ્યુ છે કે આ લગ્ન વિશ્વના મોંઘા લગ્નમાંથી એક હશે. ઇશા અંબાણી- આનંદ પીરામલના લગ્ન આજે એટલે કે 12 ડિસેમ્બરના રોજ મુકેશ અંબાણીના મુંબઇ સ્થિત ઘર એન્ટેલિયામાં થવાના છે. એક રિપોર્ટ અનુસાર આ લગ્ન માટે અંબાણીએ 100 મિલિયન ડોલરનો ખર્ચ કર્યો છે.

સૌથી મોંઘા લગ્ન પ્રિન્સ ચાર્લ્સ- પ્રિન્સેસ ડાયનાના:

37 વર્ષ પહેલાં પ્રિન્સ ચાર્લ્સ-પ્રિન્સેસ ડાયાનાનાં લગ્ન 48 મિલિયન ડોલરમાં થયા હતાં. જ્યારે ઈશા અંબાણીના લગ્ન પાછળ 100 મિલિયન ડોલરનો થશે. આજના ફુગાવા પ્રમાણે આ લગ્નના ખર્ચની ગણતરી કરવામાં આવે તો 110 મિલિયન ડોલરમાં થાય છે. એટલે અંબાણીની દીકરીના લગ્ન વિશ્વમાં સૌથી મોંઘા લગ્નમાં બીજા સ્થાને છે. ઉલ્લેખનીય છે કે 2004માં ભારતીય બિઝનેસમેન લક્ષ્મી મિત્તલે 2004માં દીકરી વેનિસા મિત્તલના લગ્નમાં તે સમયે 240 કરોડ રૂપિયા (અત્યારના હિસાબે 428 કરોડ રૂપિયા)નો ખર્ચ થયો હતો.

ઉદયપુર ખાતે થયું પ્રી-વેડિંગ સેલિબ્રેશન:

તાજેતરમાં ઉદયપુર ખાતે પ્રી-વેડિંગ સેલિબ્રેશન પાર્ટી યોજવામાં આવી હતી જ્યાં હોલિવૂડ પૉપ સ્ટાર બિયોન્સે ખાસ ભારત આવીને પરફૉર્મન્સ આપ્યુ હતુ. આ સિવાય સેલિબ્રેશનમાં હિલેરી કિલન્ટન બિઝનેસ ટાયકૂન હેન્રી ક્રેવિસ ભારતના ટોચ ઉદ્યોગપતિઓ રાજકારણીઓ તથા બોલિવૂડની અનેક હસ્તીઓ સહિત 1800 જેટલા મહેનાન હાજર રહ્યા હતા.  મીડિયા રિપોર્ટ્સ પ્રમાણે 150થી વધુ ચાર્ટર પ્લેન ઉદેપુર એરપોર્ટ પર ઉતર્યાં હતાં. આટલું જ નહીં વિદેશથી સીધી ફ્લાઈટ્સ ઉદેપુર આવી હતી. આટલું જ નહીં નવ ડિસેમ્બરના રોજ હોલિવૂડ સેન્સેશનલ બિયોન્સેને 15 કરોડ રૂપિયા આપ્યા હોવાની ચર્ચા છે. મહેમાનો માટે એરપોર્ટથી હોટલ સુધી લઈ જવા માટે 800થી વધુ લક્ઝૂરિયસ કાર્સ(જેમાં મર્સિડિઝ જગુઆર બીએમડબલ્યૂ ઓડી તથા વિન્ટેજ કાર) બુક કરવામાં આવી હતી.

- આ સિવાય અંબાણી પરિવારે અન્નસેવા કરી હતી જેમાં 5100 લોકોને ચાર દિવસ સુધી ત્રણ ટંકનું ખાવાનું ખવડાવ્યું હતુ. આ સિવાય નવ ડિસેમ્બરના રોજ ટ્રેડિશનલ ઈન્ડિયન પેઈન્ટિંગ્સ માટી-કામ તથા અન્ય સ્થાનિક કલાકારોની કળાના 108 સ્ટોલ્સ ખોલ્યા હતાં. મહેમાનોએ આ સ્ટોલ્સમાં ખરીદી હતી અને આમાંથી મળેલી ઈન્કમ દાનમાં આપવામાં આવી હતી.