બિઝનેસમેન આનંદ મહિન્દ્રા પોતાના એક ટ્વિટને લઇને ચર્ચામાં છે, તેમણે 80 વર્ષના દાદી જે 1 રૂપિયામાં ઇડલી વેચીને ધંધો કરે છે તેમના બિઝનેસમાં રોકાણ કરવાની ઇચ્છા વ્યક્ત કરી છે અને સાથે જ દીદીને LPG ગેસ સ્ટવ આપવાની ઇચ્છા વ્યક્ત કરી હતી.
મદદ માટે હંમેશા તૈયાર હોય છે આનંદ મહિન્દ્રા
ઇડલી બનાવનારા આ વુદ્ઘ મહિલાના બિઝનેસમાં રોકાણ કરવા માગે છે
લાકડાના ચૂલા પર ઇડલી બનાવારા દાદી અમ્માને મળ્યુ LPG કનેક્શન
જોકે, કોયંબતૂરમાં રહેતા 80 વર્ષીય દાદી અમ્મા લાકડાનો ચૂલા પર ઇડલી બનાવે છે, ત્યારે તેમના સ્વાસ્થ્યને લઇને ધ્યાનમાં રાખીને આનંદ મહિન્દ્રાએ ટ્વીટ કરીને કનેક્શન આપવાની વાત કરી હતી. જોકે આનંદ મહિન્દ્રાના ટ્વીટથી ભારત ગેસ કોયંબતૂરે દાદીને ગેસ કનેક્શન આપ્યુ છે.
This is superb. Thank you Bharat Gas Coimbatore for giving this gift of health to Kamalathal.
As I have already stated, I am happy to support her continuing costs of using LPG...And thank you @dpradhanbjp for your concern and thoughtfulness https://t.co/tpHEDxA0R3
આનંદ મહિન્દ્રાએ આજે ટ્વીટ કરીને જણાવ્યુ કે, ''શાનદાર. કમલાથલને સ્વાસ્થ્યની ભેટ આપવા માટે ભારત ગેસ કોયંબતૂરનો આભાર. જેમ મેં અગાઉ કહ્યુ હતુ તેમ મને તેમનો LPG ગેસ ઉઠાવવામાં ખુશી મળશે.''
ઉલ્લેખનીય છે કે આનંદ મહિન્દ્રાએ પોતાના ઑફિશ્યલ ટ્વિટર એકાઉન્ટ પર એક વીડિયો શૅર કરતા લખ્યુ હતુ કે, ''કેટલીક વાર્તાઓ ખૂબ જ સામાન્ય હોય છે પરંતુ જો તમે પણ કમલાથલ જેવુ પ્રભાવશાળી કામ કરતા હોવ તો ચોક્કસ તે દુનિયાને આશ્ચર્યમાં મુકશે. મને લાગે છે કે તેઓ હજી પણ લાકડાના ચૂલાનો ઉપયોગ કરે છે. જો કોઇ તેમને ઓળખતું હોય તો હું તેમને એક LPG ગેસ સ્ટવ આપવા માંગુ છુ અને તેમના બિઝનેસમાં રોકાણ કરવા માંગુ છું.''
તમને જણાવી દઇએ કે, ઇડલી બનવારા દાદી ચેન્નાઇના કોયંબતૂર શહેરથી લગભગ 20 કિમી દૂર પેરૂર પાસે વડીવેલામપલાયામ નામના ગામમાં રહે છે. આજે પણ માત્ર એક રૂપિયામાં ઈડલી સાંભર અને મસાલેદાર ચટણી સાથે વેચે છે. રિપોર્ટ અનુસાર, લગભગ 30 વર્ષ પહેલા ઇડલી વેચવાનું શરૂ કર્યુ, તેઓ આ કામ નફો કમાવવા માટે નહી પરંતુ પેટ ભરવા માટે કરે છે.