જો તમે સરકાર સાથે બિઝનેસ કરવા ઇચ્છો છો તો કેટલીક વાતોને જાણી લેવી ખુબ જરૂરી છે. કેન્દ્ર સરકારે પણ દરેક સરકારી વિભાગને ગવર્નમેન્ટ ઇ માર્કેટપ્લેસ સાથે જોડી દીધુ છે. હવે સરકારી વિભાગ પોતાના ઉપયોગ માટેની વસ્તુઓ અને સેવાઓને ઇ પોર્ટલ પરથી ખરીદશે. તમે પણ આ પોર્ટલ સાથે જોડાઇને સરકાર સાથે બિઝનેસ કરી શકો છો.
હવે સરકાર સાથે કરો બિઝનેસ
2021માં તમારા માટે તક
જેમ સ્કીમમાં તમને મળશે લાભ
શું છે ઇ પોર્ટલ GeM
મોદી સરકારે અ પોર્ટલ દ્વારા જેમ એટલે કે ઓનલાઇન બજાર તૈયાર કર્યુ છે. તમે તમારા ઘરમાં રહીને સરકાર સાથે બિઝનેસ કરી શકો છો. જેના માટે તમારે જેમ પર રજીસ્ટ્રેશન કરાવવું પડશે. જે બાદ તમે સરકારી વિભાગોની ડિમાન્ડ પ્રમાણે સપ્લાય કરી શકો છો. આવુ કરવા માટે તમારે મેન્યુફેર્ચરર્સ સાથે સંપર્ક કરવો પડશે અને ડિમાન્ડ આવવા પર ત્યાંથી માલ આગળ સપ્લાય કરી શકાશે. સરકારી વિભાગ પોતાના માટે 50 હજાર રૂપિયાનો સામાન ઇ પોર્ટલ માટે ખરીદી શકે છે.
જેમ પર કોણ કરી શકે વેચાણ
કોઇ પણ વિક્રેતા જે ઉત્પાદન કરે છે તે વ્યક્તિ જેમ પર વેચાણ કરી શકે છે. ઉદાહરણ તરીકે જો તમે કમ્પ્યૂટર વેચો છો તો તમે જેમ પર રજીસ્ટ્રેશન કરાવો બાદમાં ભારત સરકારનો કોઇ ડિપાર્ટમેન્ટ કમ્પ્યૂટર ખરીદવા માટે ટેન્ડર બહાર પાડશે તો તેની જાણકારી આપવામાં આવશે અને તમે તે ટેન્ડર માટે બોલી લગાવી શકો છો.
કેવી રીતે કરાવશો રજીસ્ટ્રેશન
જેમ પર રજીસ્ટ્રેશનની પ્રક્રિયા સરળ છે. અરજદારે જેમ પર ફોર્મ અને તેની વિગતો ભરવાની રહેશે અને જેમ પર આઈડી અને પાસવર્ડ જનરેટ કરવો પડશે. એકવાર રજિસ્ટર થયા પછી, સરકાર એસએમએસ અને ઇ-મેઇલ દ્વારા કોઈપણ ટેન્ડર વિશે માહિતી આપશે. આ પોર્ટલ પર નોંધણી કર્યા પછી તમે સરકારી કંપનીઓમાં પણ તમારી સેવા આપી શકો છો.
ક્યા ડૉક્યુમેન્ટ જોઇશે
જેમ પર રજીસ્ટ્રેશન કરાવવા માટે આવેદન કરનારનું પેન કાર્ડ, ઉદ્યોગ આધાર કે એમસીએ 21, વેટ/ટિન નંબર, બેંકનું ખાતુ અને કેવાયસી જેવા દસ્તાવેજ જોઇશે.
વેચાણકારો જોડાયા
અત્યાર સુધીમાં 8,61,625 વેચાણકારો અને સેવા પ્રદાતાઓ જેમમાં જોડાયા છે. જેમાંથી 3,47,401 સૂક્ષ્મ અને લઘુ ઉદ્યોગો છે. માહિતી અનુસાર, 2020માં 486 નવી પ્રોડક્ટ કેટેગરીમાં દર મહિને જેમ પોર્ટલમાં ઉમેરવામાં આવી છે. વધુ માહિતી માટે, તમે જેમની વેબસાઇટ www.gem.gov.in પર વિઝીટ કરો.