બિઝનેસ / સોનાનો ભાવ વધ્યો કે ઘટ્યો?, એક અઠવાડિયામાં 24 કેરેટ 10 ગ્રામનો આટલો થયો ભાવ

સોનાના ભાવ અટકવાનું કોઈ નામ નથી રહ્યા અને તે સતત નવા રેકોર્ડ હાઇ લેવલ પર પહોંચી રહ્યા છે. છેલ્લા એક અઠવાડિયામાં સોનાના ભાવમાં મોટો ફેરફાર થયો છે અને તે મલ્ટી કોમોડિટી એક્સચેન્જ (MCX) થી લઈને ઘરેલુ માર્કેટ સુધી નવી ઊંચાઈએ પહોંચ્યો છે. પહેલી વાર સોનાનો ભાવ 95,000 રૂપિયા પ્રતિ 10 ગ્રામને પાર કરી ગયો છે. ટ્રમ્પ ટેરિફથી શરૂ થયેલા વેપાર યુદ્ધ વચ્ચે સોનું દરરોજ નવા રેકોર્ડ બનાવી રહ્યું છે. ચાલો જાણીએ કે છેલ્લા એક અઠવાડિયામાં તેની કિંમતમાં કેટલો ફેરફાર થયો છે?

MCX પર અહીં પહોંચ્યો Gold Rate

MCX પર સોનાના ભાવની વાત કરીએ તો, ગત અઠવાડિયે સોનું નવા લાઈફટાઈમ હાઇ લેવલ પર પહોંચ્યું હતું. અઠવાડિયાની શરૂઆતમાં, 5 જૂનની એક્સપાયરી ડેટ માટે MCX પર સોનાનો ભાવ (ગોલ્ડ રેટ) 93,252 રૂપિયા પ્રતિ 10  ગ્રામ હતો, જે દરેક પસાર થતા દિવસ સાથે વધતો ગયો અને અઠવાડિયાના છેલ્લા ટ્રેડિંગ દિવસે (17 એપ્રિલ) 95,239 રૂપિયા પ્રતિ 10 ગ્રામ પર પહોંચી ગયો. જો આપણે આ રીતે જોઈએ તો માત્ર ચાર દિવસમાં સોનાના ભાવમાં 1987 રૂપિયાનો વધારો થયો છે. મહિનાની શરૂઆતથી, સોનાના ભાવમાં પ્રતિ 10 ગ્રામ લગભગ 5000 રૂપિયાનો વધારો થયો છે.

ઘરેલુ માર્કેટમાં પણ ચમક્યું સોનું

MCX જેમ જ ઘરેલુ માર્કેટમાં પણ સોનાની ચમકમાં સુત્ત વધારો જોવા મળી રહ્યો છે. ઇન્ડિયન બુલિયન જ્વેલર્સ એસોસિએશન IBJA.Com ની વેબસાઇટ અનુસાર, અઠવાડિયાની શરૂઆતમાં 10 ગ્રામ 24 કેરેટ સોનું 93,102 રૂપિયા હતું, જ્યારે 17 એપ્રિલે, આ ક્વોલિટી ગોલ્ડનો ભાવ વધીને 94,910 રૂપિયા પ્રતિ 10 ગ્રામ થયો. એટલે કે એક અઠવાડિયામાં ઘરેલુ માર્કેટમાં સોનાના ભાવમાં 1808 રૂપિયાનો વધારો થયો છે. જો આપણે અન્ય ક્વોલિટી ગોલ્ડ રેટ જોઈએ, તો...

ક્વોલિટી              સોનાના ભાવ (પ્રતિ 10 ગ્રામ)

24 કેરેટ ગોલ્ડ         94,910 રૂપિયા/10 ગ્રામ

22 કેરેટ ગોલ્ડ          92,630 રૂપિયા/10 ગ્રામ

20 કેરેટ ગોલ્ડ         84,470 રૂપિયા/10 ગ્રામ

18 કેરેટ ગોલ્ડ         76,880 રૂપિયા/10 ગ્રામ

14 કેરેટ ગોલ્ડ         61,220 રૂપિયા/10 ગ્રામ

વધુ વાંચો: ઘટી રહેલા બજારમાં પણ આ શેરે લોકોને કર્યા માલામાલ, એક વર્ષમાં 1 લાખના બનાવી દીધા 39 લાખ

ઉપર દર્શાવેલ સોનાના ભાવ માર્કેટિંગ ચાર્જ અને GST વગરના છે, તે જોડાયા પછી ભાવ બદલાઈ શકે છે. હકીકતમાં, ઇન્ડિયન બુલિયન જ્વેલર્સ એસોસિએશન દરરોજ સોના અને ચાંદીના ભાવ વિશે માહિતી આપે છે. અહીં તમને ટેક્સ અને માર્કેટિંગ ચાર્જ વગર સોના અને ચાંદીના ભાવ જણાવવામાં આવ્યા છે. IBJA દ્વારા જારી કરાયેલા દરો સમગ્ર દેશમાં સમાન છે. જો તમે સોનું કે ચાંદી ખરીદો છો અથવા બનાવડાવો છો, તો તમારે મેકિંગ ચાર્જ પર GST અને મેકિંગ ચાર્જ અલગથી ચૂકવવા પડશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ