રોકાણ / દર મહિને જમા કરો બસ આટલા રૂપિયા અને બનો કરોડપતિ, આ ગજબની ફોર્મ્યુલા લાગી હાથ

Crorepati Formula Of SIP: તમે તમારી ભવિષ્યની યોજના પ્રત્યે ગંભીર છો, તો શક્ય તેટલી વહેલી તકે રોકાણ શરૂ કરો. સિસ્ટમેટિક ઇન્વેસ્ટમેન્ટ પ્લાન એટલે કે એસઆઇપી લાંબા ગાળે જંગી ભંડોળ એકત્ર કરવામાં તમારા માટે મદદરૂપ સાબિત થઈ શકે છે.

કરોડપતિ બનવાનું સ્વપ્ન કોણ નથી જોતું? દરેક વ્યક્તિ પૈસા કમાવવા માટે સખત મહેનત કરે છે. પરંતુ જો યોગ્ય વ્યૂહરચના સાથે નિયમિત રોકાણ કરવામાં આવે, તો દર મહિને એક નાની બચત પણ કરોડપતિ બનવાનું તમારું સ્વપ્ન પૂર્ણ કરી શકે છે. હા, અમે સિસ્ટમેટિક ઇન્વેસ્ટમેન્ટ પ્લાન એટલે કે SIP વિશે વાત કરી રહ્યા છીએ, જેમાં કંપાઉંડિગના પાવર સાથે વ્યક્તિ દર મહિને માત્ર 9000 રૂપિયા બચાવીને કરોડપતિ બની શકે છે.

બચતનું યોગ્ય જગ્યાએ રોકાણ કરવું મહત્વપૂર્ણ

દરેક વ્યક્તિ નિવૃત્તિ પછી પોતાની કમાણીનો એક ભાગ બચાવે છે, જેથી તેમને ઉંમરના તે તબક્કે કોઈપણ પ્રકારની આર્થિક સમસ્યાનો સામનો ન કરવો પડે અને તેમના જીવનનિર્વાહ માટે બીજા કોઈ પર નિર્ભર ન રહેવું પડે. તમારી બચત તમને કરોડપતિ પણ બનાવી શકે છે, પરંતુ આ માટે તે યોગ્ય જગ્યાએ રોકાણ કરવું જરૂરી છે, જ્યાં તમને ઉત્તમ વળતર મળે. આ સંદર્ભમાં તાજેતરના સમયમાં SIP સૌથી લોકપ્રિય પદ્ધતિ તરીકે ઉભરી આવી છે અને તેણે 12-15 ટકા સુધીનું વળતર આપ્યું છે. જેના દ્વારા નાની બચતોએ પણ જંગી ભંડોળ એકત્ર કરવામાં મદદ કરી છે. એટલું જ નહીં ઘણા એસઆઇપીનું વળતર લાંબા ગાળે 16-18 ટકા સુધી રહ્યું છે.

તમારા લક્ષ્યોને પ્રાપ્ત કરવા માટે આ 3 બાબતો યાદ રાખો

એસઆઇપી દ્વારા કરોડપતિ બનવાના તમારા સ્વપ્નને પૂર્ણ કરવામાં મુખ્યત્વે ત્રણ બાબતો મદદરૂપ થઈ શકે છે. આમાંથી પહેલું અનુશાસિત અને નિયમિત રોકાણ છે, બીજું સમય જતાં રોકાણમાં વધારો અને ત્રીજું કંપાઉંડિંગ પાવર છે. એનો અર્થ એ કે તમારા ધ્યેયને પ્રાપ્ત કરવા માટે અનુશાસિત રોકાણમાં SIP ને વળગી રહેવું, કંપાઉંડિગની શક્તિ તમારા રોકાણમાં વધારો કરવામાં ફાળો આપે છે અને સમય જતાં રકમ અનેકગણી પરત કરે છે. તમારા રોકાણની રકમમાં ધીમે ધીમે વધારો કરીને, તમે સમય પહેલાં તમારા લક્ષ્યને પ્રાપ્ત કરી શકો છો.

₹9000 થી કરોડપતિ બનવાનું ગણિત

હવે ચાલો સમજીએ કે એસઆઇપી રોકાણ દ્વારા માત્ર 9,000 રૂપિયાની બચત કરીને તમે કરોડપતિ બનવાનું તમારું સ્વપ્ન કેવી રીતે પૂર્ણ કરી શકો છો. તો ચાલો તમને જણાવી દઈએ કે સિસ્ટમેટિક ઇન્વેસ્ટમેન્ટ પ્લાન (SIP) એ લાંબા ગાળાની રોકાણ પ્રક્રિયા છે અને આમાં સૌથી મહત્વની બાબત એ છે કે રોકાણ પર મજબૂત વળતરની સાથે તેને લાંબા સમય સુધી જાળવી રાખવા પર કંપાઉંડિગનો લાભ પણ મળે છે અને એક વિશાળ ભંડોળ એકઠું થાય છે.

આ પણ વાંચોઃ તમારા કામનું / UPI યુઝર્સ ખાસ વાંચે, હવે આ સુવિધા બંધ કરવામાં આવશે! જાણો ફાયદો થશે કે નુકસાન

તમારે 21 વર્ષ સુધી દરરોજ લગભગ 300 રૂપિયા અથવા દર મહિને 9,000 રૂપિયા જમા કરીને નિયમિત એસઆઇપી કરવી પડશે. હવે ધારો કે તમને ફક્ત 12 ટકા વળતર મળે છે, તો આ સમયગાળામાં તમારું કુલ રોકાણ 22,68,000 રૂપિયા થશે અને ચક્રવૃદ્ધિ સાથે તમને 79,80,068 રૂપિયાનું વળતર મળશે. એકંદરે તમારું ભંડોળ વધીને રૂ. 1,02,48,068 થશે.

બીજી બાજુ જો તમને મળતું વળતર 15 ટકા સુધી હોય, તો આ રોકાણ કરેલી રકમ સાથે તમારું કુલ ભંડોળ 1,59,54,054 કરોડ રૂપિયા થઈ જશે. તમે દર મહિને રોકાણની રકમ વધારીને 20 વર્ષ પહેલાં જ કરોડપતિઓની શ્રેણીમાં જોડાઈ શકો છો.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ