બિઝનેસ / શેર કે નોટ છાપવાનું મશીન! બજાજના શેરમાં 22000 ટકાનું મલ્ટીબેગર રિટર્ન, તમારી પાસે છે?

આ વર્ષે સ્ટોક માર્કેટમાં મોટાપાયે ઉથલપાથલ જોવા મળી છે. અમેરિકન રાષ્ટ્રપતિ દ્વારા ટેરિફની જાહેરાત બાદ શેર માર્કેટમાં હાહાકાર જોવા મળી રહ્યો છે. આ ઉથલપાથલના પગલે કેટલાક રોકાણકારોને મોટો ફાયદો થયો છે તો કેટલાક રોકાણકારોને નુકસાન સહન કરવું પડ્યું છે. આ વર્ષે અત્યાર સુધીમાં મલ્ટિબેગર કંપની બજાજ ફાઇનાન્સના શેરમાં 33% થી વધુનો ઉછાળો આવ્યો છે. શેરના સાર પ્રદર્શનને કારણે, આ વર્ષે અત્યાર સુધીમાં રોકાણકારોની સંપત્તિમાં લગભગ 1.5 લાખ કરોડ રૂપિયાનો વધારો થયો છે. બજાજ ફાઇનાન્સનું માર્કેટ કેપ પણ 6 લાખ કરોડ રૂપિયા સુધી પહોંચવાની નજીક છે. બજાજ ગ્રુપની આ કંપની પર બ્રોકરેજ હાઉસિસ બુલિશ છે. બ્રોકરેજ હાઉસે કંપનીના શેર માટે રૂ.11,000 થી વધુનો લક્ષ્યાંક આપ્યો છે. છેલ્લા 15 વર્ષમાં બજાજ ફાઇનાન્સના શેરે જબરદસ્ત વળતર આપ્યું છે. છેલ્લા 15 વર્ષમાં કંપનીના શેર 22,000% થી વધુ ઉછળ્યા છે.

ઇલારા કેપિટલે રૂ.11,161 નો લક્ષ્યાંક આપ્યો

બ્રોકરેજ હાઉસ એલારા કેપિટલે બજાજ ફાઇનાન્સના શેર માટે રૂ.11,161નો લક્ષ્યાંક આપ્યો છે. બ્રોકરેજ હાઉસનું કહેવું છે કે કંપનીના શેર ફરી એકવાર જબરદસ્ત પ્રદર્શન બતાવી શકે છે. વિદેશી બ્રોકરેજ હાઉસ CLSA એ બજાજ ફાઇનાન્સના શેર માટે રૂ.11,000 નો લક્ષ્યાંક આપ્યો છે. વેન્ચુરા સિક્યોરિટીઝે કંપનીના શેરનું કવરેજ બાય રેટિંગ અને રૂ.10205 ના લક્ષ્ય ભાવ સાથે શરૂ કર્યું છે.

વધુ વાંચો : શેરબજારમાં તેજીની સિક્સર, સતત છઠ્ઠા દિવસે સેન્સેક્સ-નિફ્ટી ઉછાળા સાથે બંધ

15 વર્ષમાં કંપનીના શેર 22000% થી વધુ વધ્યા

છેલ્લા 15 વર્ષમાં બજાજ ફાઇનાન્સના શેરમાં લગભગ 22150 ટકાનો ઉછાળો આવ્યો છે. 30 એપ્રિલ, 2010 ના રોજ કંપનીના શેર રૂ.41.56 પર હતા. 22 એપ્રિલ 2025 ના રોજ બીએસઈ પર કંપનીના શેર રૂ. 9246.80 પર બંધ થયા. જો આપણે છેલ્લા 10 વર્ષની વાત કરીએ તો, બજાજ ફાઇનાન્સના શેરમાં 2137% નો વધારો જોવા મળ્યો છે. છેલ્લા પાંચ વર્ષમાં કંપનીના શેરમાં 367 ટકાથી વધુનો ઉછાળો આવ્યો છે. આ સમયગાળા દરમિયાન કંપનીના શેર રૂ. 1976 થી વધીને રૂ. 9200 થી વધુ થયા છે. બજાજ ફાઇનાન્સના શેરનો ભાવ 52 અઠવાડિયાનો ઉચ્ચતમ ભાવ 9391.15 રૂપિયા છે. કંપનીના શેરનું 52 અઠવાડિયાનું નીચું સ્તર 6376.55 રૂપિયા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ