બિઝનેસ / શેરબજારની સપાટ શરૂઆત, જાણો કેટલાં અંકે ખુલ્યા સેન્સેક્સ-નિફ્ટી

આજે બુધવારે અઠવાડિયાના ત્રીજા કારોબારી દિવસે ભારતીય શેરબજાર ફ્લેટ શરૂઆત કરી છે. જો કે હરિયાળી હજુ અકબંધ છે. જો કે બજાર સકારાત્મક વલણ સાથે ખૂલ્યું હતું. બજારની શરૂઆતમાં બોમ્બે સ્ટોક એક્સચેન્જના સેન્સેક્સ અને એનએસઈ નિફ્ટીમાં થોડો વધારો ચાલુ રહ્યો. આજે BSE સેન્સેક્સ લગભગ 100 પોઈન્ટ વધીને 78080 પર ટ્રેડ થઈ રહ્યો છે. તો નેશનલ સ્ટોક એક્સચેન્જમાં પણ સતત વધારો થઈ રહ્યો છે. NSE નિફ્ટી લગભગ 50 પોઈન્ટ વધીને 23709 પર ટ્રેડ કરી રહ્યો છે. ગઈકાલે પણ શેરબજારમાં સારો વધારો જોવા મળ્યો હતો.

ગઈકાલે શેરબજાર કેવું રહ્યું?

ગઈકાલે એટલે કે મંગળવારે ભારતીય શેરબજાર સતત સાતમા દિવસે લીલા નિશાન પર બંધ થયું. બીએસઈ સેન્સેક્સ 32 પોઈન્ટના નજીવા વધારા સાથે 78017 પર બંધ થયો. બીજી તરફ NSE નિફ્ટી 10 પોઈન્ટ વધીને 23668 પર બંધ થયો.

વધુ વાંચો: પેટ્રોલ-ડીઝલના ભાવમાં આજે રાહત, યથાવત કે વધારો? પૂરાવતા પહેલા જાણી લો આજના રેટ

શેરબજારમાં અસ્થિરતાનું કારણ

શેરબજારમાં સતત સાત દિવસથી તેજી જોવા મળી રહી છે. આ પાછળ કેટલાક મહત્વપૂર્ણ કારણો છે. અમેરિકાના રાષ્ટ્રપતિ ડોનાલ્ડ ટ્રમ્પે ઓટોમોબાઈલ ક્ષેત્ર પર નવા ટેરિફ લાદવાનો સંકેત આપ્યો છે.વેનેઝુએલાથી તેલ કે ગેસ ખરીદનારા દેશો પર અમેરિકા સાથેના વેપાર પર 25 ટકા ટેરિફ લાદવામાં આવશે. આના કારણે તેલ કંપનીઓના શેરમાં ઉતાર-ચઢાવ આવી શકે છે. અગાઉ સોમવારે બજારમાં જોરદાર ઉછાળો જોવા મળ્યો હતો અને આવી સ્થિતિમાં શેરબજાર ઊંચા સ્તરે પહોંચતાં રોકાણકારોએ નફો બુક કર્યો હતો. ભારતીય શેરબજારોમાં FII પણ ખરીદી કરી રહ્યા છે. આ ઉપરાંત અમેરિકન ડોલર સામે ભારતીય રૂપિયો મજબૂત થતો જોવા મળ્યો છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ