બિઝનેસ / શેરબજારના રોકાણકારો માટે મહત્વના સમાચાર, 17 જુલાઈએ નહીં થાય શેરની લે-વેચ, જાણો કારણ

જો કોઈ શેરબજારમાં વેપાર કરતા હોય તો અહીં તમારા માટે કામની વાત છે. આગામી સપ્તાહે બુધવાર, 17 જુલાઈના રોજ શેરબજાર બંધ રહેશે. આ દિવસે શેરની ખરીદી અને વેચાણ કરી શકાશે નહીં. 17 જુલાઈએ મોહર્રમ છે. આ પ્રસંગે શેરબજારમાં રજા રહેશે. બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) અનુસાર, એક્સચેન્જ પરની તમામ પ્રવૃત્તિઓ એક દિવસ માટે બંધ રહેશે. એક્સચેન્જો બુધવાર, 17 જુલાઈ, 2024 ના રોજ બંધ રહેશે.

કરન્સી ડેરિવેટિવ્ઝ સેગમેન્ટ અને કોમોડિટી ડેરિવેટિવ્ઝ સેગમેન્ટની સાથે ઈક્વિટી સેગમેન્ટ, ઈક્વિટી ડેરિવેટિવ્ઝ સેગમેન્ટ અને SLB સેગમેન્ટ પણ બંધ રહેશે. જો કે, કોમોડિટી ડેરિવેટિવ્ઝ સેગમેન્ટ અને EGR સેગમેન્ટ માત્ર દિવસના પહેલા ભાગમાં, સવારે 9:00 થી સાંજના 5:00 વાગ્યા સુધી બંધ રહેશે. સાંજના સેશનમાં સાંજે 5:00 PM થી 11:30 PM/11:55 PM સુધી વેપાર ફરી શરૂ થશે.

શુક્રવારે શેરબજારની સ્થિતિ

જણાવી દઈએ કે આઈટી શેરમાં ભારે ખરીદી વચ્ચે શુક્રવારે સેન્સેક્સ અને નિફ્ટી તેમની નવી ઓલ ટાઈમ હાઈ પર પહોંચી ગયા હતા. બીએસઈનો 30 શેરનો ઈન્ડેક્સ સેન્સેક્સ 996.17 પોઈન્ટના ઉછાળા સાથે 80,893.51ની સર્વકાલીન ટોચે પહોંચી ગયો. NSE નિફ્ટી 276.25 પોઈન્ટના વધારા સાથે 24,592.20 પોઈન્ટના નવા રેકોર્ડ સ્તરે હતો.

આ પણ વાંચો: IPO કરતા શેરના ભાવમાં 3 ગણો વધારો, મલ્ટીબેગર સ્ટોકમાં સચિન તેંડુલકરનું કરોડોનું રોકાણ

સેન્સેક્સ લિસ્ટેડ કંપનીઓમાં દેશની સૌથી મોટી આઈટી સર્વિસ કંપની ટાટા કન્સલ્ટન્સી સર્વિસિસના શેરમાં લગભગ છ ટકાનો વધારો થયો હતો. ઈન્ફોસીસ, ટેક મહિન્દ્રા, એચસીએલ ટેક્નોલોજીસ, એક્સિસ બેંક અને બજાજ ફાઈનાન્સના શેર પણ ફાયદામાં રહ્યા. મારુતિ, કોટક મહિન્દ્રા બેંક, એશિયન પેઈન્ટ્સ અને આઈટીસીના શેરને નુકસાન થયું હતું. એશિયન બજારોમાં હોંગકોંગનો હેંગસેંગ અને ચીનનો શાંઘાઈ કમ્પોઝીટ નફામાં હતો જ્યારે દક્ષિણ કોરિયાનો કોસ્પી અને જાપાનનો નિક્કી ખોટમાં હતો.

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ