બિઝનેસ / શેરબજારની મહામંદીમાં પણ નહીં થાય નુકસાન! રોકાણ કરતા પહેલા આ રીતે કરો પ્લાનિંગ

ડોનાલ્ડ ટ્ર્મ્પે ટેરિફ બોમ્બ ફોડ્યા પછી શેર માર્કેટ સહિત વિશ્વભરમાં હાહાકાર મચી જવા પામ્યો છે. જેના પગલે હવે રોકાણકારોમાં અનેક સવાલો ઉભા થઈ રહ્યા છે અને ચિંતા વ્યક્ત કરી રહ્યા છે. હાલમાં શેરબજારમાં પરિસ્થિતિ ઘણી સુસ્ત છે. જેમાં રોકાણકારોના 19 લાખ કરોડ રૂપિયાનું નુકસાન થયું હતું. અમેરિકાના રાષ્ટ્રપતિ ડોનાલ્ડ ટ્રમ્પે ટેરિફ વધાર્યા બાદ ચીને વેપાર યુદ્ધ શરૂ કરવાની ચેતવણી આપી છે. આનો અર્થ એ થયો કે હવે તેની વિશ્વભરના બજારો પર નકારાત્મક અસર પડશે. જો તમે પણ શેરબજારમાં રોકાણ કરો છો. તો જો તમે આ બાબતો પર ખાસ ધ્યાન આપો જેથી વધારે મુશ્કેલીનો સામનો ન કરવો પડે.

આજના સમયમાં એવા ઘણા લોકો શેરબજારમાં પણ રોકાણ કરે છે. જેમને શેરબજાર વિશે વધારે ખબર નથી. તેમને ખબર નથી કે કઈ જગ્યાએ રોકાણ કરવું યોગ્ય રહેશે. તેમજ તે આ બાબતે કોઈ માહિતી મેળવતા નથી. જેના પગલે મુશ્કેલી ઊભી થઈ શકે છે. શેરબજાર કોઈ જુગાર નથી. શેર માર્કેટમાં ગણતરીઓ મગજનો ઉપયોગ કરીને કરવામાં આવે છે. જ્યાં તમે રોકાણ કરી રહ્યા છો. તે કંપનીના શેર વિશે સંશોધન કરવામાં આવે છે. જો તમે માહિતી અને સંશોધન વિના વેપાર યુદ્ધ દરમિયાન રોકાણ કરો છો, તો તમે મુશ્કેલીમાં મુકાઈ શકો છો.

અલગ અલગ જગ્યાએ રોકાણ કરો

ઘણીવાર એવા ઘણા લોકો હોય છે. જેઓ પોતાના મોટાભાગના પૈસા એક જ જગ્યાએ રોકાણ કરે છે. તમારે આ ભૂલ ક્યારેય ન કરવી જોઈએ. ટ્રેડ વોર દરમિયાન, તમારે સલામત સ્થળોએ રોકાણ કરવું જોઈએ. FMCG, ફાર્મા અને IT માં રોકાણ અન્ય સ્થળો કરતાં વધુ સુરક્ષિત માનવામાં આવે છે. આ તમારા પોર્ટફોલિયોમાં પણ વૈવિધ્ય લાવે છે. જેના કારણે નુકસાનનું જોખમ ઓછું થાય છે.

વધુ વાંચો : સોનાનો ભાવ વધ્યો કે ઘટ્યો?, એક અઠવાડિયામાં 24 કેરેટ 10 ગ્રામનો આટલો થયો ભાવ

દુનિયાભરમાં બનતી ઘટનાઓ શેરબજાર પર અસર કરે છે. જેમ કે હાલમાં અમેરિકા અને ચીન વચ્ચે વેપાર યુદ્ધ ચાલી રહ્યું છે. આની અસર ભારતીય શેરબજાર પર પણ પડશે. તેથી, તમારા વેપારમાં સ્ટોપ લોસ મૂકવો તમારા માટે મહત્વપૂર્ણ છે. જેથી તમને ફક્ત એક મર્યાદા સુધી જ નુકસાન થાય અને વધારે નહીં.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ