કેબલ અને DTH યુઝર્સને રાહત આપતા ટેલિકોમ રેગ્યુલેટરી ઓથોરિટી ઓફ ઇન્ડિયા (TRAI)એ ચેનલ પસંદગીની સમયમર્યાદા 31 માર્ચ સુધી વધારી દીધી છે. TRAIનું નવું ફ્રેમવર્ક 1 ફેબ્રુઆરીથી લાગુ થયું છે તેમ છતાં ટીવી યુઝર્સે ચેનલોની પસંદગી કરી નથી.
બેસ્ટ ફિટ પ્લાન કોઈપણ સમયે બદલી શકાશે
આ સાથે જ TRAIએ કેબલ અને ટીવી ઓપરેટર્સને પણ કહ્યું છે કે, અત્યાર સુધી જે ગ્રાહકોએ ચેનલની પસંદગી કરી નથી, તેમના માટે તેમની ભાષા અને ચેનલની લોકપ્રિયતાના આધારે બેસ્ટ ફિટ પ્લાન એક્ટિવેટ કરી દેવામાં આવે. આ પ્લાન 31 માર્ચ સુધી જ વેલિડ રહેશે. ગ્રાહક 31 માર્ચ અથવા તે પહેલા ગમે ત્યારે પોતાના બેસ્ટ ફિટ પ્લાનને બદલાવી શકે છે. ગ્રાહકોના ચેનલ કે પેકને પસંદગી કર્યાના 72 કલાકમાં કેબલ અથવા DTH ઓપરેટરોએ તેમને એક્ટિવેટ કરવાના રહેશે.
18%ના દરે GST લાગશે
1 ફેબ્રુઆરીથી TRAIનો નવો નિયમ લાગૂ થયા બાદ કેબલ અને DTH યુઝર્સને તે જ ચેનલો માટે રૂપિયા ચૂકવવા પડશે જેને તેઓ જોવા માંગે છે. નેટવર્ક કેપેસિટી ચાર્જના ભાગરૂપે તમામ યુઝર્સે મહિને 130 રૂપિયા ચૂકવવા પડશે. આટલા પૈસામાં ગ્રાહકોને 100 ફ્રી ટૂ એર ચેનલ દેખાડવામાં આવશે, જેમાં દૂરદર્શનની 25 ચેનલ દેખાડવું ફરજીયાત છે. યુઝર્સ બાકીની 75 ચેનલ્સ પોતાની મરજીથી પસંદ કરી શકે છે. ગ્રાહકોએ નેટવર્ક કેપેસિટી ચાર્જ અને ચેનલની બેઇઝ પ્રાઈઝ પર 18 % GST પણ ચૂકવવો પડશે.
Press Release on Implementation of New Regulatory Framework for Broadcasting and Cable Serviceshttps://t.co/NDhwgZLacP