બિઝનેસ / આ બેંકનો શેર ધડાધડ ઘટ્યો, રોકાણકારોમાં ફેલાયો ગભરાટ, હવે RBIએ આપ્યું મોટું નિવેદન

ઇન્ડસઇન્ડ બેંક છેલ્લા કેટલાક દિવસોથી ચ્ર્કાહોમાં આવી ગઈ છે. રિઝર્વ બેંક દ્વારા લેવામાં આવેલા નિર્ણય પછી, તેના શેરમાં ઘટાડો વધવા લાગ્યો અને રોકાણકારોમાં ગભરાટ ફેલાયો. ઇન્ડસઇન્ડ બેંકના શેરના ઘટાડાથી બેંકના નાણાકીય સ્વાસ્થ્ય અંગે અટકળો શરૂ થઈ છે, પરંતુ આ દરમિયાન, રિઝર્વ બેંક ઓફ ઇન્ડિયા (RBI) એ કહ્યું છે કે બેંક નાણાકીય રીતે સ્થિર છે અને સારી મૂડી ધરાવે છે.

4 દિવસમાં 26% તૂટ્યો બેંકનો શેર

ઇન્ડસઇન્ડ બેંકના શેરમાં ભારે ઘટાડો એ વાત પરથી અંદાજી શકાય છે કે માત્ર 4 ટ્રેડિંગ દિવસોમાં, ઇન્ડસઇન્ડ સ્ટોક 26 ટકાથી વધુ તૂટી ચુક્યો છે અને રોકાણકારોને ભારે નુકસાન થયું છે. 10 માર્ચે આ શેર 909.25 રૂપિયા પર ખુલ્યો અને 13 માર્ચે 672.65 રૂપિયા પર બંધ થયો. જણાવી દઈએ કે 14 માર્ચે શેરબજારમાં રજા હતી, એટલે કે કોઈ ટ્રેડિંગ થયું ન હતું.

શેરમાં ઘટાડાને કારણે આટલું રહી ગયું MCap

ઇન્ડસઇન્ડ બેંકના શેરમાં થયેલા આ મોટા ઘટાડાની અસર બેંકના માર્કેટ કેપિટલ પર પણ જોવા મળી છે અને તે ઘટીને રૂ. 5,2350 કરોડ રહી ગયું છે. આ બેંકિંગ સ્ટોકનું 52-અઠવાડિયાનું ઉચ્ચ સ્તર રૂ. 1576.35 છે, જ્યારે તેનું 52-અઠવાડિયાનું નીચું સ્તર રૂ. 606 છે. છેલ્લા એક મહિનામાં આ સ્ટોક 35.83 ટકા ઘટ્યો છે.

જણાવી દઈએ કે ઇન્ડસઇન્ડ બેંકના શેરમાં તીવ્ર ઘટાડો ત્યારે શરૂ થયો જ્યારે સેન્ટ્રલ બેંક (RBI) એ બેંકના CEOનો કાર્યકાળ 3 વર્ષને બદલે ફક્ત 1 વર્ષ માટે લંબાવ્યો, ત્યારબાદ એ સ્પષ્ટ થઈ ગયું છે કે RBI વર્તમાન મેનેજમેન્ટથી ખુશ નથી. આ પછી, બધા બ્રોકરેજિસે તેમના લક્ષ્યાંક ઘટાડવાનું શરૂ કર્યું અને શેર સતત ઘટતો રહ્યો.

આ પણ વાંચો: સોનાનો ભાવ વધ્યો કે ઘટ્યો? જાણો એક અઠવાડિયામાં 24 કેરેટ સોનાના 10 ગ્રામનો ભાવ કેટલો થયો

RBI એ બેંક વિશે શું કહ્યું?

ભારતીય રિઝર્વ બેંકે શનિવારે ઇન્ડસઇન્ડ બેંક વિશે ચાલી રહેલી અટકળો પર ટિપ્પણી કરતા કહ્યું કે બેંકે 31 ડિસેમ્બર, 2024 ના રોજ પૂરા થયેલા ત્રિમાસિક ગાળા માટે 16.46% નો મૂડી પર્યાપ્તતા ગુણોત્તર અને 70.20% નો પ્રોવિઝન કવરેજ ગુણોત્તર નોંધાવ્યો છે. RBI અનુસાર, 9 માર્ચ, 2025 સુધીમાં તેનો લિક્વિડિટી કવરેજ રેશિયો 113% હતો, જે 100% ની નિયમનકારી જરૂરિયાત કરતાં વધુ છે.

બેંક સંબંધિત આ માહિતી શેર કરતી વખતે, RBI એ ગ્રાહકોને કોઈપણ પ્રકારની અટકળો પર પ્રતિક્રિયા ન આપવા અપીલ કરી, અને એમ પણ કહ્યું કે ઇન્ડસઇન્ડ બેંકનું નાણાકીય સ્વાસ્થ્ય સંતોષકારક છે અને તે નિયમનકારી દેખરેખ હેઠળ છે.

DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ