બિઝનેસ / ભારત પાક. તણાવની સ્થિતિ વચ્ચે પેટ્રોલ-ડીઝલના ભાવ વધ્યા કે ઘટ્યા?, જાણો લેટેસ્ટ કિંમત

ઓપરેશન સિંદૂરમાં 9 આતંકવાદી ઠેકાણાઓનો નાશ અને 90 થી વધુ આતંકવાદીઓને ઠાર માર્યા બાદ પાકિસ્તાન ગભરાટમાં છે. તો આ તણાવની સ્થિતિ વચ્ચે આજના પેટ્રોલ ડીઝલના ભાવની વાત કરીએ તો ભારતીય પેટ્રોલિયમ કંપનીઓએ 9 મે, 2025 ના રોજ સવારે 6 વાગે નવા ઇંધણના ભાવ જાહેર કર્યા છે. જાહેર કરાયેલા દરો અનુસાર, આજે પણ પેટ્રોલ અને ડીઝલના ભાવમાં કોઈ ફેરફાર કરવામાં આવ્યો નથી. જોકે, જો આપણે ક્રૂડ ઓઇલની વાત કરીએ તો, આંતરરાષ્ટ્રીય બજારમાં ક્રૂડ ઓઇલની કિંમત પ્રતિ બેરલ $65-78 છે, જે ભૂતકાળ કરતા ઓછી છે.

પેટ્રોલ ડીઝલના ભાવ આજના સમાચાર મુખ્ય શહેરોમાં આજના ભાવ (૯ મે ૨૦૨૫)

૯ મે ૨૦૨૫ના રોજ ભારતના મુખ્ય શહેરોમાં પેટ્રોલ અને ડીઝલના ભાવમાં ફેરફાર નોંધાયો છે. દિલ્હીમાં પેટ્રોલનો ભાવ ₹94.77 પ્રતિ લિટર અને ડીઝલ ₹87.67 રહ્યો છે, જ્યારે મુંબઈમાં પેટ્રોલ ₹103.50 અને ડીઝલ ₹90.03 પ્રતિ લિટર છે. કોલકાતામાં પેટ્રોલ ₹105.01 અને ડીઝલ ₹91.82 લિટર છે. ચેન્નાઈમાં પેટ્રોલ ₹100.80 અને ડીઝલ ₹92.39 છે.

અન્ય શહેરોની વાત કરીએ તો નોઈડામાં પેટ્રોલ ₹94.87 અને ડીઝલ ₹88.14 છે, જયારે બેંગલુરુમાં પેટ્રોલ ₹102.92 અને ડીઝલ ₹88.99 છે. પટણામાં પેટ્રોલનો ભાવ ₹105.60 છે અને ડીઝલ ₹92.04 છે. લખનૌ, ચંદીગઢ, હૈદરાબાદ, ગુરુગ્રામ અને જયપુર જેવા શહેરોમાં પણ પેટ્રોલ અને ડીઝલના ભાવો અલગ-અલગ જોવા મળ્યા છે. હૈદરાબાદમાં પેટ્રોલ ₹107.46 અને ડીઝલ ₹95.63 સુધી પહોંચ્યા છે, જે સૌથી ઊંચા ભાવો પૈકી છે.

આ પણ વાંચો : શેરબજારમાં ભારત પાક. તણાવની અસર, સેનસેક્સ અને નિફ્ટીમાં નબળી શરૂઆત

પેટ્રોલ અને ડીઝલના ભાવ કેમ બદલાય છે?

પેટ્રોલ અને ડીઝલના ભાવમાં ઘણા કારણોસર વધઘટ થાય છે, જેમ કે આંતરરાષ્ટ્રીય બજારમાં ક્રૂડ ઓઇલના ભાવ, સરકારી કર નીતિ અને વૈશ્વિક ઘટનાઓ. જ્યારે પેટ્રોલ અને ડીઝલ મોંઘા થાય છે, ત્યારે પરિવહન ખર્ચ વધે છે, જેના કારણે રોજિંદા વસ્તુઓના ભાવ પણ વધે છે અને મોંઘવારીની સીધી અસર સામાન્ય માણસ પર પડે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ