જો તમે રેગ્યુલર કમાણી કરાવે એવો કોઈ બિઝનેસ શરૂ કરવા માંગો છો તો તમે ટોફૂ એટલે કે સોયા પનીરનો બિઝનેસ શરૂ કરી શકો છો. જાણો તેના માટે શું કરવું.
રેગ્યુલર કમાણી કરવી હોય તો શરૂ કરો આ બિઝનેસ
ટોફૂનો બિઝનેસ કરશો તો દર મહિને લાખ રૂપિયાની કમાઈ થશે
આ બિઝનેસમાં સબસિડીવાળી લોન પણ લઈ શકો છો
3થી 4 લાખમાં શરૂ થશે આ બિઝનેસ
ટોફૂના બિઝનેસને શરૂ કરવા માટે 3થી 4 લાખ રૂપિયાનો ખર્ચ આવશે. જેમાં મશીન અને રો મટિરિયલ સામેલ છે. લગભગ 2થી 3 લાખ રૂપિયાનું બોયલર, જાર, સેપરેટર, નાનું ફ્રીઝર ખરીદવું પડશે. એ પછી 1 લાખ રૂપિયામાં સોયાબીન ખરીદવા પડશે, જેમાંથી ટોફૂ બનાવી શકાય છે. શરૂઆતમાં કારીગરોને પણ હાયર કરવા પડશે, જેથી તમારો માલ ખરાબ ન થાય.
પહેલાં તૈયાર કરવું પડશે દૂધ
ટોફૂ બનાવવું સામાન્ય દૂધમાંથી પનીર બનાવવા જેટલું જ સરળ છે. આમાં ફરક માત્ર એટલો જ છે કે આમાં પહેલાં દૂધ બનાવવાનું હોય છે. તે પહેલાં સોયાબીનને પીસીને 1:7ના અનુપાતમાં પાણી સાથે ફેટીને ઉકાળવાનું હોય છે. બોયલર અને ગ્રાઈન્ડરમાં એક કલાકની પ્રક્રિયામાં આશરે 4થી 5 લીટર દૂધ મળે છે. જે બાદ તમે દૂધને સેપરેટરમાં નાંખી શકો છે. તેનાંથી દૂધ દહીં જેવું ઘટ્ટ થઇ જાય છે અને તેમાં વધેલું પાણી પણ નીકળી જાય છે. આશરે એક કલાકની પ્રક્રિયા બાદ 2.5થી 3 કિલોગ્રામ પનીર પ્રાપ્ત થાય છે.
30 હજાર રૂપિયાથી શરૂ થશે કમાણી
ટોફૂની માર્કેટ પ્રાઇઝ 200થી 250 રૂપિયા પ્રતિ કિલોગ્રામ છે. તમને 1 કિલો સોયાબીનની સંપૂર્ણ પ્રક્રિયા બાદ લગભગ 2.5 કિલો પનીર મળે છે. જે લગભગ 500 રૂપિયાનું થાય છે. આ રીતે એક દિવસમાં 10 કિલો ટોફૂ બનાવો છો તો તેનો બજાર ભાવ લગભગ 2 હજાર થાય છે. એવામાં જો લેબર, વીજળી વગેરે ખર્ચ કાઢો તો 50 ટકા ગણી શકો છો, જે મુજબ તમને 30 હજાર રૂપિયાની નેટ બચત થાય છે. જો તમે રોજ 30થી 35 કિલો ટોફૂ બનાવીને માર્કેટમાં વેચવામાં સફળ રહો છો તો તમે આરામથી 1 લાખ રૂપિયા દર મહિને કમાઈ શકો છો.
તમામ જિલ્લામાં મળે છે લોન
આ પ્રોજેક્ટ માટે જો તમારી પાસે ફંડ નથી તો તમે સ્મોલ બિઝનેસની જેમ જ તેનાં પર લોન મેળવી શકો છો. આ માટે તમારે તમારા પ્રોજેક્ટને જિલ્લા ઉદ્યોગ કાર્યાલયમાં રજૂ કરવાનો રહેશે અને બાદમાં નફા અને ખર્ચનું આંકલન કરીને તમને સબસિડીવાળી લોન મળશે. તે માટે સમય સમય પર કેન્દ્ર અને રાજ્ય સરકારનાં એસએમઈ પ્રોજેક્ટ્સ માટે વગર વ્યાજ કે ઓછાં વ્યાજની લોન પણ સામેલ છે.
દરેક પ્રોડક્ટ આવે છે કામ
સોયા પનીર બનાવવા માટે તમારી પાસે બાય પ્રોડક્ટના રૂપમાં જે ખોયા બચે છે. તેનાથી પણ ઘણાં પ્રોડક્ટ્સ તૈયાર થાય છે. આ ખોયાનો ઉપયોગ તમે બિસ્કિટ બનાવવામાં કરી શકો છો. એ પછી જે પ્રોડ્ક્ટ બને છે તેનાથી બડી તૈયાર થાય છે. આ પણ પ્રોટીનનો રિચ સોર્સ માનવામાં આવે છે.