જો તમે પોતાનો બિઝનેસ શરૂ કરીને લાખોમાં કમાણી કરવા માંગો છો તો મશરૂમનો બિઝનેસ શરૂ કરી શકો છો. જાણો વિગતો.
ઓછાં પૈસા લગાવી શરૂ કરો જોરદાર બિઝનેસ
મશરૂમની ખેતી કરીને કમાવો લાખો રૂપિયા
આ વ્યવસાય માટે સરકાર પણ કરે છે મદદ
મશરૂમનો બિઝનેસ સારી કમાણી કરાવનાર વ્યવસાય છે. તે નિકાસ માટે પણ મહત્વપૂર્ણ છે. તમે માત્ર 50 હજાર રૂપિયા લગાવીને આ બિઝનેસ શરૂ કરી શકો છો.
મશરૂમની ખેતી કેવી રીતે કરવી
જો તમે આ વ્યવસાયથી સારી કમાણી કરવા માંગતા હો તો તમારે મશરૂમની ખેતીની ટેક્નિક પર ધ્યાન આપવું પડશે. પ્રતિ વર્ગ મીટરમાં 10 કિલો મશરૂમ આરામથી પેદા કરી શકાય છે. મશરૂમ્સ ઓછામાં ઓછા 40×30 ફૂટની જગ્યામાં ત્રણ-ત્રણ ફૂટ પહોળા રેક બનાવીને ઉગાડી શકાય છે. તમે સરકારી સબસિડીની મદદથી આ વ્યવસાય શરૂ કરી શકો છો.
કમ્પોસ્ટ બનાવવાની વિધિ
કમ્પોસ્ટ બનાવવા માટે ધાનની પરાર પલાળવી પડે છે અને એક દિવસ બાદ તેમાં ડીએપી, યૂરિયા, પોટાશ અને ઘઉંનું ચોકર, જિપ્સમ અને કોર્બોફ્યૂડોરન મિક્સ કરીને તેને સડવા માટે છોડી દેવામાં આવે છે. આશરે બે મહિના પછી કમ્પોસ્ટ તૈયાર થઈ જશે. હવે છાણનું ખાતર અને માટી ભેળવીને આશરે દોઢ ઈંચનું લેયર બનાવીને તેના પર કમ્પોસ્ટનું બેથી ત્રણ ઇંચનું લેયર બનાવવામાં આવે છે. તેમાં ભેજનું પ્રમાણ જળવાયેલું રહે તે માટે સ્પ્રેથી મશરુમ પર દિવસમાં બેથી ત્રણ વખત પાણી છાંટવામાં આવે છે. આ રીતે મશરુમ માટે કમ્પોસ્ટ તૈયાર કરવામાં આવે છે.
ટ્રેનિંગ લઈને શરૂ કરો મશરુમની ખેતી
બધી જ એગ્રીકલ્ચર યુનિવર્સિટી અને કૃષિ સંશોધન કેન્દ્રોમાં મશરુમની ખેતીની તાલીમ આપવામાં આવે છે. જો તમે મોટા પ્રમાણમાં ખેતી કરવા માંગો છો તેના માટે તાલીમ લેવી જરૂરી છે.
50 હજારથી કરો શરૂઆત
મશરૂમ વ્યવસાયનો પ્રોજેક્ટ ખર્ચ ઘણાં પરિબળો પર આધારિત છે. તમે તેને 50 હજારથી 1 લાખ રૂપિયાના રોકાણથી શરૂ કરી શકો છો. સરકાર તરફથી 40% સુધીની સબસિડી ઉપલબ્ધ છે. સરકારે મશરૂમ ઉગાડવા માટે લોનની સુવિધા પણ શરૂ કરી છે.
જાણો કે કેટલી કમાણી થશે
જો તમે આની ખેતી અદ્યતન ટેકનોલોજીથી શરૂ કરશો તો તમે લાખોમાં કમાણી કરી શકો છો. સમગ્ર વિશ્વમાં તેનો વિકાસ દર 12.9 ટકા છે. જો તમે તેને 100 ચોરસ ફૂટના વિસ્તારમાં ઉગાડવાનું શરૂ કરો છો તો તમે દર વર્ષે 1 લાખથી 5 લાખ રૂપિયાનો નફો મેળવી શકો છો.