જો તમે બેરોજગાર છો અને સારાં પૈસા કમાવવા માંગો છો તો આજે અમે તમને એવા બિઝનેસ વિશે જણાવીશું, જેમાં તમે જોરદાર કમાણી કરી શકો છો. ચાલો જાણીએ.
બેરોજગાર લોકો માટે શાનદાર તક
આ બિઝનેસ શરૂ કરીને કરો જોરદાર કમાણી
આ બિઝનેસ આધાર કાર્ડ સંબંધિત છે
આ બિઝનેસ આધાર કાર્ડ સંબંધિત છે. હવે તમે જાણતા હશો કે આજના સમયમાં આધાર કાર્ડ કેટલું મહત્વનું છે. આજના સમયમાં સરકારી કામથી લઈને પ્રાઈવેટ સુધી દરેક જગ્યાએ તેની જરૂર છે. એવામાં આપણે આધાર કાર્ડને ખૂબ જ સંભાળીને રાખવું પડે છે. સાથે જ તેમાં કોઈ પણ પ્રકારની ભૂલ થવા પર સુધારો કરવા માટે કોમન સર્વિસ સેન્ટર અથવા UIDAIની ફ્રેન્ચાઈઝીમાં તમે જઈને સુધારો કરાવી શકો છો. તમે પણ આધાર કાર્ડની ફ્રેન્ચાઈઝી લઈ શકો છો. ચાલો જાણી લો કઈ રીતે.
સૌથી પહેલાં કરવું પડશે આ કામ
જો તમે આધાર કાર્ડની ફ્રેન્ચાઈઝી લેવા માંગો છો તો તેના માટે સૌથી પહેલા તમારે UIDAI દ્વારા આયોજિી એક પરીક્ષા પાસ કરવી પડશે. ત્યારબાદ સર્વિસ સેન્ટર ખોલવા માટે એક લાયસન્સ આપવામાં આવશે. જ્યારે તમે પરીક્ષા પાસ કરી લેશો તો તમારે આધાર એનરોલમેન્ટ નંબર અને બાયોમેટ્રિક વેરિફિકેશન કરાવવાનું રહેશે. ત્યારબાદ કોમન સર્વિસ સેન્ટરથી રજીસ્ટ્રેશન કરાવવું પડશે.
આ રીતે કરો એપ્લાય
આધાર ફ્રેન્ચાઈઝી લાયસન્સ લેવા માટે તમારે NSEITની ઓફિશયલ વેબસાઈટ https://uidai.nseitexams.com/UIDAI/LoginAction_input.action પર જવું પડશે.
અહીં તમને Create News Userનો એક ઓપ્શન મળશે. જ્યાં ક્લિક કર્યા પછી એક નવી ફાઈલ ખુલશે.
તેમાં તમારે Share Code enter માટે કહેવામાં આવશે. Share Code માટે તમારે https://resident.uidai.gov.in/offline-kyc પર જઈને ઓફલાઈન ઈ આધાર ડાઉનલોડ કરવાનું રહેશે.
ડાઉનલોડ થયા બાદ તમારે XML File અને Share Code બંને ડાઉનલોડ કરવાનું રહેશે.
એપ્લાય કરતી વખતે તમારી સ્ક્રીન પર એક ફોર્મ ખુલશે. તેમાં જે પણ જાણકારી માંગવામાં આવી છે તેને ભરીને સબમિટ કરી દો.
તમારા ફોન પર અને ઈ મેલ આઈડી પર USER ID અને Password આવી જશે. હવે તમે આ ID અને પાસવર્ડ દ્વારા Aadhaar Testing and Certificationના પોર્ટલ પર સરળતાથી લોગિન કરી શકો છો. ત્યાર બાદ તમારા સામે Continueનો વિકલ્પ આવશે. તેના પર ક્લિક કરો.
એ પછી તમારી સામે વધુ એક ફોર્મ ખુલશે. જેમાં માંગવામાં આવેલી જાણકારી ભરી લો. તેની સાથે તમારી તસ્વીર અને ડિજિટલ સિગ્નેચર અપલોડ કરી દો. ત્યારબાદ ફરી એક વખત ચેક કરી લો કે તમે જે ડિટેલ્સ ભરી છે તે સાચી છે કે નહીં, પછી Proceed to submit form પર ક્લિક કરી લો.
અંતમાં અહીં પેમેન્ટ કરવું
ઉપર આપેલી પ્રોસેસ પુરી કર્યા બાદ તમારે પેમેન્ટ કરવાનું રહેશે. તેના માટે તમારે વેબસાઈટના Menuમાં જઈને પેમેન્ટના ઓપ્શન પર ક્લિક કરવાનું રહેશે. જેમાં પેમેન્ટ કર્યા બાદ તમારે Please Click Here to generate receipt પર ક્લિક કરીને રીસિપ્ટ ડાઉનલોડ કરવાની રહેશે.
સેન્ટર બુક કરવાની પ્રક્રિયા
બધી માહિતી યોગ્ય રીતે ભર્યા બાદ તમારે 1થી 2 દિવસ રાહ જોવી પડશે. જ્યારે તમે ફરીથી લોગિન કરશો તો તમે બુક સેન્ટર પર ક્લિક કરીને તમારા નજીકના કેન્દ્રને પસંદ કરી શકો છો. એ પછી તેની સાથે સંબંધિત ટેસ્ટ લેવામાં આવશે. આ પછી તમારે તારીખ અને સમય જણાવવો પડશે, જ્યારે તમે પરીક્ષા આપવા માટે આવી શકશો. પછી તમને થોડાં સમય પછી એડમિટ કાર્ડ મળી જશે, જેને તમે ડાઉનલોડ કરીને પ્રિન્ટ આઉટ લઇ શકો છો.