કોરોના કાળમાં પ્રદૂષણ અને ઘણી ગંભીર બીમારીઓથી બચવા માટે નેચરલ પ્રોડક્ટ્સ અને મેડિસીનના બજારમાં તેજી જોવા મળી રહી છે. એવામાં આજે અમે તમને એવા બિઝનેસ વિશે જણાવીશું, જે આ સમયમાં તમને લાખોની કમાણી કરાવશે.
વધી રહી છે નેચરલ પ્રોડક્ટ્સની માંગ
કોરોના કાળમાં શરૂ કરો આ બિઝનેસ
ઓછાં સમયમાં જ થવા લાગશે લાખોની કમાણી
અત્યારે નેચરલ પ્રોડક્ટ્સની માંગ પણ ઝડપથી વધી રહી છે. આમાં ઓછો ખર્ચ થાય છે અને લાંબા સમય સુધી કમાણી પણ કરી શકાયછે. મેડિસિનલ પ્લાન્ટની ખેતી માટે લાંબા અને પહોળા ખેતરોની કે રોકાણ કરવાની જરૂર નથી. આ ખેતી માટે તમારા ખેતરોમાં વાવેતર કરવાની પણ જરૂર નથી. તમે તેને કોન્ટ્રાક્ટ પર પણ લઈ શકો છો. આજકાલ ઘણી કંપનીઓ કોન્ટ્રાક્ટ પર ઔષધીઓની ખેતી કરાવે છે. તેની ખેતી શરૂ કરવા માટે તમારે થોડાં રૂપિયા ખર્ચવાની જરૂર છે, પરંતુ કમાણી લાખોમાં થાય છે.
કેટલાક છોડ નાના પોટ્સમાં ઉગાડવામાં આવે છે
મોટાભાગના હર્બલ પ્લાન્ટ્સ જેમ કે તુલસી, આર્ટેમીસિયા એન્નુઆ, મુલેઠી, એલોવેરા વગેરે ખૂબ જ ઓછાં સમયમાં તૈયાર થાય છે. આમાંથી કેટલાક છોડ નાના કુંડામાં પણ ઉગાડવામાં આવે છે. તેની ખેતી શરૂ કરવા માટે તમારે ફક્ત થોડાં હજાર રૂપિયા ખર્ચવાની જરૂર છે, પરંતુ લાખોમાં કમાણી થશે. હાલમાં દેશમાં ઘણી દવાની કંપનીઓ છે જે પાકની ખરીદી સુધી કરાર કરે છે, જે કમાણીની ખાતરી આપે છે.
3 લાખની કમાણી થશે
સામાન્ય રીતે એવું જોવા મળે છે કે તુલસી ધાર્મિક બાબતો સાથે સંકળાયેલી છે, પરંતુ તુલસીની ખેતી કરીને કમાણી પણ કરી શકાય છે. તુલસીના ઘણાં પ્રકારો છે, જેમાં યુજીનોલ અને મિથાઈલ સિનામેટ હોય છે. આની મદદથી કેન્સર જેવા ગંભીર રોગો માટેની દવાઓ બનાવવામાં આવે છે. 1 હેક્ટરમાં તુલસી ઉગાડવામાં ફક્ત 15 હજાર રૂપિયા ખર્ચ થાય છે, પરંતુ 3 મહિના પછી આ પાક લગભગ 3 લાખ રૂપિયામાં વેચાય છે.
આ કંપનીઓ કરે છે કોન્ટ્રેક્ટ ફાર્મિંગ
તુલસીની ખેતી પણ પતંજલિ, ડાબર, વૈદ્યનાથ વગેરે આયુર્વેદિક દવાઓ બનાવતી કંપનીઓ કોન્ટ્રાક્ટ ફાર્મિંગ કરાવે છે. જેઓ પાકને ફક્ત પોતાના દ્વારા ખરીદે છે. તુલસીના બીજ અને તેલનું પણ મોટું બજાર છે. દરરોજ તેલ અને તુલસીના બીજ નવા દરે વેચાય છે.
ટ્રેનિંગ જરૂરી છે
મેડિસિનલ પ્લાન્ટના વાવેતર માટે મહત્વપૂર્ણ છે કે તમારી પાસે સારી ટ્રેનિંગ હોય, જેથી તમે ભવિષ્યમાં છેતરાઈ ન શકો. લખનૌ સ્થિત સેન્ટ્રલ ઇન્સ્ટિટ્યૂટ ઓફ મેડિસિનલ અને એરોમેટિક પ્લાન્ટ (સીમૈપ) આ છોડની ખેતી માટેની તાલીમ આપે છે. સીમૈપ દ્વારા ડ્રગ કંપનીઓ તમારી સાથે કરાર સાઈન કરે છે, તેથી તમારે ક્યાંય જવાની જરૂર નહીં પડે.