બિઝનેસ / એક એવો ઇન્ડિયન થેલો, જે અમેરિકામાં બન્યો લક્ઝુરિયસ બેગ, કિંમત જાણીને ચોંકી જશો

Last Updated: 10:59 AM, 24 May 2025

FOLLOW ON

શેર કરો

Indian Local Street Jhola Bags: ભારતમાં મફતમાં મળતો થેલો અમેરિકામાં લક્ઝરી બેગ તરીકે વેચાઈ રહ્યો છે. અમેરિકન લક્ઝરી સ્ટોર નોર્ડસ્ટ્રોમમાં હજારો રૂપિયામાં વેચાઈ રહી છે. જે હવે સોશિયલ મીડિયા પર ખૂબ જ વાયરલ થઈ રહ્યો છે.

Indian Souvenir Bag: ભારતમાં, જો કોઈને શાકભાજી કે રેશનનો સામાન લાવવો હોય, તો લોકો ઘરેથી થેલો લઈને જાય છે. જયારે ઘણા દુકાનદારો એવા પણ હોય છે જે વધુ વસ્તુઓ ખરીદે તો મફતમાં થેલો આપે છે. જેને લઈને જવામાં સરળતા રહે છે. જોકે, ઘણા લોકો એવા પણ છે કે જેમને આ થેલો પોતાની સાથે લઈ જવામાં શરમ આવે છે.

LOL - This is the take-home bag of a snack shop in my hometown in India.

for sale for $48 at Nordstrom pic.twitter.com/GNm9CJlfmZ
— Sheel Mohnot (@pitdesi) May 21, 2025

અમેરિકનો માટે લક્ઝરી બેગ બની ગયો સાધારણ થેલો

ભારતમાં, આ થેલાનો ઉપયોગ લગભગ બધા જ ઘરમાં કરવામાં આવે છે અને કશે ફરવા જાઓ કે કોઈ બીજા કામ માટે, આ થેલો તો સાથે જ હોય. તમારી પાસે ટ્રોલી કે બેગ ન હોય, તો પણ આ થેલો તો હોય જ છે. મોટાભાગે મહિલાઓ તો આ થેલાનો ઉપયોગ કરે જ છે. ભારતમાં આ થેલાની ખાસિયત એ છે કે તે મફતમાં મળી જાય છે. જોકે આજની પેઢીને હવે આ થેલાને લઈને ફરવામાં શરમ આવે છે. પરંતુ શું તમે જાણો છો કે ભારતમાં જે થેલો મફતમાં મળે છે, તેને ખરીદવા માટે અમેરિકામાં લોકો મોટી રકમ ચૂકવી રહ્યા છે.

2 રૂપિયાવાળો થેલો વેચાઈ રહ્યો છે હજારોમાં

જાણીને નવાઈ લાગશે કે આ સામાન્ય થેલો જે ભારતમાં ઘણીવાર દુકાનમાંથી સમાન ખરીદવા પર મફતમાં મળી જાય છે, તે અમેરિકામાં હજારોમાં વેચાઈ રહ્યો છે. ભારતીય ઘરોમાં વપરાતો થેલો અમેરિકામાં હજારો રૂપિયામાં મળી રહ્યો છે. એક સાધારણ થેલો આટલી ઊંચી કિંમતે વેચાવાની તસવીરો સોશિયલ મીડિયા પર વાયરલ થઈ ગઈ છે. જણાવી દઈએ કે આ સામાન્ય થેલો એક અમેરિકન લક્ઝરી વેબસાઇટ પર 4,228 રૂપિયા એટલે કે ($48) માં વેચાઈ રહ્યો છે. આ થેલો હવે "Indian Souvenir Bag" નામથી વેચાઈ રહ્યો છે, જેને જાપાની બ્રાન્ડ Puebcoએ રિલોન્ચ કર્યો છે.

આ પણ વાંચો: 100 રૂપિયાના થયા 230000000, શેરબજાર નહીં આમાં રોકાણથી મળ્યું બમ્પર રિટર્ન

આ થેલાની ડિઝાઇન વિશે વાત કરીએ તો, તે એક સાદો સફેદ સુતરાઉ થેલો છે જેના પર હિન્દીમાં "રમેશ સ્પેશિયલ નમકીન" અને "ચેતક સ્વીટ્સ" જેવા ટેક્સ્ટ છપાયેલા છે - જે સામાન્ય રીતે ભારતમાં સ્થાનિક દુકાનો અને લારીઓ પર જોવા મળે છે. નોર્ડસ્ટ્રોમની વેબસાઇટ પર દેખાય છે તેમ, જાપાની બ્રાન્ડ Puebco એ થેલાનું નામ બદલીને "Indian Souvenir Bag" રાખ્યું છે અને તેને એક ખાસ, સ્ટાઇલિશ અને અનોખી બેગ તરીકે ગણાવવામાં આવી છે. પરંતુ ભારતમાં, આ એ જ થેલો છે જે લોકો બજારમાંથી સામાન ખરીદતી વખતે ઘણીવાર મફતમાં લાવે છે. જે વસ્તુ અહીં રોજિંદી જરૂરિયાત છે તે હવે વિદેશમાં ફેશન બની ગઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

સંકળાયેલા મુદ્દાઓ

Indian Souvenir Bag Indian Local Street Jhola Bags Us Luxury Brand