બિઝનેસ / 2025ની તૈયારી શરૂ કરી દો, કારણ કે નવા વર્ષમાં આ 10 સ્ટોક્સ કરાવશે બમ્પર કમાણી!

નવું વર્ષ શરૂ થવાને આડે વધારે દિવસો બાકી નથી. ત્યારે વર્ષ 2025 માં વધુ સારા વળતર માટે સ્ટોક પોર્ટફોલિયોને અત્યારથી જ તૈયાર કરી લેવો સમજદારીભર્યું કામ હશે. ત્યારે એક અહેવાલમાં સ્થાનિક બ્રોકરેજ જેએમ ફાઇનાન્શિયલે આ તૈયારીને સરળ બનાવવા માટેનું કામ કર્યું છે. ફર્મે આવા કેટલાક શેરોનું લિસ્ટ બહાર પાડ્યું છે, જે આગામી વર્ષમાં રોકાણકારના પોર્ટફોલિયોની વેલ્યૂ વધારી શકે છે. બ્રોકરેજ ફર્મનો અંદાજ છે કે 2025 માં, આ શેરો 9% થી 50% સુધીની કમાણી કરાવી શકે છે.

Maruti Suzuki - ઓટો લીડર Maruti Suzukiને લઈને જેએમ ફાઇનાન્શિયલ બુલિશ છે. તેનું કહેવું છે કે મારુતિ સુઝુકી ઇન્ડિયાએ સતત નવા લોન્ચને કારણે લગભગ 26%ના બજાર હિસ્સા સાથે SUV B-સેગમેન્ટમાં તેની લીડરશીપ પોઝિશન પાછી મેળવી લીધી છે. કંપની આવનારા સમયમાં ઘણી હાઈબ્રિડ અને ઈલેક્ટ્રિક કાર લોન્ચ કરવાની તૈયારી કરી રહી છે, જેના કારણે તે અન્યની સરખામણીમાં ઝડપથી વધી શકે છે. જેએમ અનુસાર, આ શેર લગભગ 35% ની કમાણી કરાવી શકે છે. કંપનીએ તેની ટાર્ગેટ પ્રાઇઝ 15,250 રૂપિયા રાખી છે.

Axis Bank - જેએમ ફાઇનાન્શિયલએ ખાનગી ક્ષેત્રની Axis Bank માટે રૂ. 1,425ની ટાર્ગેટ પ્રાઈઝ સેટ કરી છે. આ સ્ટોક લગભગ 22.5% વધવાની ધારણા છે. બ્રોકરેજના જણાવ્યા અનુસાર, બેંકના સંચાલન ખર્ચમાં ઘટાડો થયો છે અને તેની ક્રેડિટ ખર્ચ પણ નિયંત્રણમાં છે, જેનાથી તેને ફાયદો થશે.

Nippon AMC - જેએમ ફાઇનાન્શિયલ રોકાણકારોને તેમના પોર્ટફોલિયોમાં નિપ્પોન એસેટ મેનેજમેન્ટ (Nippon AMC) ને સામેલ કરવાની ભલામણ કરી છે. ફર્મે તેની ટાર્ગેટ પ્રાઈઝ રૂ. 800 નક્કી કરી છે અને 9%ના વધારાની આગાહી કરી છે. એટલે કે આ શેર 9 ટકા કમાણી કરાવી શકે છે. બ્રોકરેજ અનુસાર, આ શેરનું મૂલ્યાંકન સારું છે અને કંપનીનો નફો પણ નાણાકીય વર્ષ 2024 થી 2027 વચ્ચે 19.5%ના દરે વધવાની ધારણા છે.

Samvardhana Motherson - સંવર્ધના મધરસન (Samvardhana Motherson) ના શેરમાં લગભગ 25.7 ટકા કમાવાની તક મળી શકે છે. બ્રોકરેજ ફર્મનું કહેવું છે કે કંપની વૈશ્વિક સ્તરે હાજર છે અને તેના પ્રોડક્ટ પોર્ટફોલિયોને સતત વિસ્તારી રહી છે. આ માટે ફર્મે 210 રૂપિયાની ટાર્ગેટ પ્રાઈઝ સેટ કરી છે. જણાવી દઈએ કે ડેમલર, ફોક્સવેગન, BMW અને ફોર્ડ જેવી મોટી કંપનીઓ સંવર્ધના મધરસન ઈન્ટરનેશનલ (SAMIL) ની ક્લાયન્ટ છે.

Ahluwalia Contracts - Ahluwalia Contractsની સતત મજબૂત થતી ઓર્ડર બુકને કારણે આ સ્ટોક કમાણીની જબરદસ્ત તકો પણ ઊભી કરી શકે છે. જેએમ ફાઇનાન્શિયલએ તેને રૂ. 1,315ના ટાર્ગેટ પ્રાઈઝ પર ખરીદવાની સલાહ આપી છે, જે તેના વર્તમાન સ્તરથી લગભગ 22.7% વધારે છે.

Zee Entertainment - Zee Entertainment અંગે પણ જેએમ બુલિશ છે. બ્રોકરેજ ફર્મનું કહેવું છે કે સોની સાથે મર્જરનો સોદો રદ થયા બાદ કંપનીએ તેનું ધ્યાન નફાકારક વૃદ્ધિ તરફ વાળ્યું છે. જેએમ ફાઇનાન્શિયલનો અંદાજ છે કે આ શેર તેના વર્તમાન સ્તરથી લગભગ 41% વધી શકે છે. ફર્મે તેને 200 રૂપિયાના ટાર્ગેટ પ્રાઈઝ પર ખરીદવાની સલાહ આપી છે.

KPIT Tech - JM ફાઇનાન્શિયલએ KPIT Tech માટે રૂ. 2040ની ટાર્ગેટ પ્રાઈઝ નક્કી કરી છે. તેમનો અંદાજ છે કે આ મિડકેપ આઈટી સ્ટોક લગભગ 33.1 ટકા વધી શકે છે. બ્રોકરેજનું કહેવું છે કે નાણાકીય વર્ષ 2024 થી 2027 ની વચ્ચે કંપનીની આવક વૃદ્ધિ લગભગ 17 ટકા હોઈ શકે છે.

Havells Ltd - જેએમ ફાઇનાન્શિયલ અનુસાર, ગ્રાહક માંગમાં સુધારાથી Havells Ltd કંપનીને ફાયદો થશે. તેના શેર 18.5%ના ઉછાળા સાથે રૂ. 2,031ના આંકડાને સ્પર્શી શકે છે. લૉયડ બ્રાન્ડ્સને બાદ કરતાં, મધ્યમથી લાંબા ગાળામાં, નાણાકીય વર્ષ 2024 થી 2027 દરમિયાન કંપનીની આવક વૃદ્ધિ 15% રહેવાનો અંદાજ છે.

BHEL - બ્રોકરેજ ફર્મ જેએમ ફાઇનાન્શિયલને લાગે છે કે BHELની નાણાકીય સ્થિતિ વધુ મજબૂત બની શકે છે. બ્રોકરેજે આ સ્ટોક માટે રૂ. 371નો લક્ષ્યાંક રાખ્યો છે અને અંદાજ લગાવ્યો છે કે તે લગભગ 49% ની કમાણી કરાવી શકે છે. નાણાકીય વર્ષ 2024 થી 2027 દરમિયાન તેની આવક 30% વધવાની ધારણા છે.

આ પણ વાંચો: સોનાના ભાવ ફરી પીકઅપ પર, વધી ચમક, જાણો તમારા શહેરના આજના શું છે લેટેસ્ટ રેટ

Cyient DLM - જેએમ ફાઇનાન્શિયલના તેજીવાળા શેરોની યાદીમાં Cyient DLM પણ સામેલ છે. તેમનું કહેવું છે કે કંપની કેટલાક મર્જર અને એક્વિઝિશનની તૈયારી કરી રહી છે, જેનાથી તેની રેવન્યુ ગ્રોથમાં તેજી સંભવ છે. એવામાં આ શેરમાં લગભગ 45% કમાણી કરવાની તક મળી શકે છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ