બિઝનેસ / ચાંદીની ચમક વધી! એક કિલોના ભાવ પહેલી વખત 110000 રૂપિયાને પાર

છેલ્લા કેટલાક સમયથી સોના ચાંદીના ભાવમાં વધારો જોવા મળી રહ્યો છે. સોના અને ચાંદીના ભાવ તેની ઐતિહાસિક સપાટીએ પહોંચી રહ્યા છે. ત્યારે બુધવાર, 18 જૂનના રોજ મલ્ટિ કોમોડિટી એક્સચેન્જ પર ચાંદીના ભાવ પ્રતિ કિલોગ્રામ રૂ. 1.10 લાખના રેકોર્ડ ઉચ્ચ સ્તરે પહોંચ્યા. માત્ર એક જ દિવસમાં તેની કિંમતમાં 100 રૂપિયાનો વધારો થયો. ચાંદીના ભાવમાં આ વધારો જોઈને નિષ્ણાતો કહે છે કે આગામી સમયમાં ચાંદીના ભાવ તેના વર્તમાન સ્તરથી બમણા થઈ જશે. તેમણે વૈશ્વિક અનિશ્ચિતતાને ટાંકીને આ આગાહી કરી છે.

ચાંદીમાં રોકાણ કેમ વધી રહ્યું છે?

મધ્ય પૂર્વમાં વધતા તણાવને કારણે લોકો સુરક્ષિત રોકાણ શોધી રહ્યા છે. નબળા રૂપિયાને કારણે ભારતીય રોકાણકારોમાં ચાંદીનું આકર્ષણ મજબૂત બન્યું છે. સામાન્ય રીતે ભૂ-રાજકીય તણાવ દરમિયાન સોના અને ચાંદીને સુરક્ષિત આશ્રયસ્થાન માનવામાં આવે છે કારણ કે અનિશ્ચિતતાના સમયમાં શેર અથવા અન્ય સંપત્તિના ભાવમાં ઘટાડો થઈ શકે છે, પરંતુ સોના અને ચાંદી કાં તો તેમની કિંમત જાળવી રાખે છે અથવા તેમની કિંમતોમાં વધારો કરે છે. કદાચ આને ધ્યાનમાં રાખીને વિશ્લેષકો માને છે કે ચાંદીનો ભાવ પ્રતિ કિલો 2 લાખ રૂપિયા સુધી જઈ શકે છે.

ચાંદીના ભાવમાં 2 વર્ષમાં ઘણો વધારો થયો

વિશ્લેષકો કહે છે કે વર્ષ 2020 થી ચાંદીના ભાવમાં મોટો ફેરફાર જોવા મળ્યો છે. વર્ષ 2011 માં ચાંદીનો ભાવ $49.50 (લગભગ રૂ. 73,000) ની ટોચ પર હતો. માર્ચ 2020 સુધીમાં ચાંદીના ભાવમાં ઘટાડો જોવા મળ્યો હતો, પરંતુ છેલ્લા બે વર્ષમાં તેમાં લગભગ 60 ટકાનો વધારો થયો છે, જેના કારણે માત્ર 2025 માં જ કિંમતો 87,000 રૂપિયાથી વધીને રૂ.1,04,500 થઈ ગઈ છે.

વધુ વાંચો : સરકારી કર્મચારીઓ એલર્ટ! CGHSના નિયમોમાં કરાયા 5 મોટા ફેરફાર, મળશે આ સુવિધાઓ

ચાંદીનો ભાવ પ્રતિ ઔંસ $38.70-41.50 ની રેન્જમાં હોઈ શકે છે, જે MCX ફ્યુચર્સ માર્કેટમાં પ્રતિ કિલોગ્રામ રૂ. 1,15,000-1,23,000 ની સમકક્ષ છે. આ વર્તમાન સ્તરોથી 15-18 ટકાનો વધારો દર્શાવે છે. તેમને અપેક્ષા છે કે આંતરરાષ્ટ્રીય બજારોમાં ચાંદીનો ભાવ લગભગ $50 પ્રતિ ઔંસના નવા સર્વકાલીન ઉચ્ચતમ રેકોર્ડ સુધી પહોંચશે. એટલે કે, તેની કિંમત આગામી 3-5 વર્ષમાં પ્રતિ કિલોગ્રામ રૂ. 1,50,000-1,70,000 સુધી પહોંચી શકે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ