બિઝનેસ / સ્ટોક માર્કેટની મંદીમાં પણ 8 રૂપિયાના શેરનો જલવો! એક લાખનું રોકાણ 17200000 રૂપિયાને પાર

ભારતના શેર માર્કેટમાં અનેક એવા શેર છે જેને રોકાણકારોને મલ્ટીબેગર રિટર્ન આપ્યું છે. આવો જ પેની સ્ટોક છે એસોસિએટેડ આલ્કોહોલ એન્ડ બ્રેવરિઝ. આ શેરની કિંમત વર્ષ 2014માં 8 રૂપિયા જ હતી. પરંતુ અત્યારે તે BSE પર 1308 રૂપિયા પર  કારોબાર કરી રહ્યો છે. મતલબ કે તેની છેલ્લા 10 વર્ષમાં 1625 ટકા વૃદ્ધિ થઈ છે. જો કોઈ રોકાણકારે આ સ્ટોકમાં 10 વર્ષ પહેલાં 1 લાખનું રોકાણ કર્યું હોત તો અત્યારે તે રકમ વધીને 1.72 કરોડ રૂપિયા થઈ ગઈ હોત.

ઉલ્લેખનીય છે કે, મંગળવારે એસોસિએટેડ આલ્કોહોલ એન્ડ બ્રેવરિઝના શેરમાં એક ટકાનો ઘટાડો થયો હતો. છેલ્લા પાંચ વર્ષમાં તેના શેરમાં 814.45 ટકાનો ઉછાળો નોંધાયો છે. તો છેલ્લા એક વર્ષમાં તેના શેરમાં 190.59 ટકા વધારો થયો છે. તો છેલ્લા 6 મહિનામાં 40 ટકા અને છેલ્લા એક મહિનામાં 35 ટકા વધારો થયો છે.

વધુ વાંચો : શેરબજારની મંદી વચ્ચે કમાણીની તક! LG ઈલેક્ટ્રોનિક્સનો આવશે 15000 કરોડ રૂપિયાનો IPO

• ડિસેમ્બર ત્રિમાસિકનું પરિણામ

એસોસિએટેડ આલ્કોહોલ એન્ડ બ્રેવરિઝ દ્વારા ડિસેમ્બર ક્વોર્ટર માટે 327.02 કરોડનું વેચાણ કર્યું છે. જે તેના પહેલાના 190.91 કરોડટથી 71.29 ટકા વધુ છે. આ કંપનીનો શુદ્ધ લાભ 107.56 ટકાથી વધીને 26.09 કરોડ થઈ ગયું છે. જે ગયા વર્ષે 12.57 કરોડ હતું. એસોસિએટેડ આલ્કોહોલ એન્ડ બ્રેવરિઝમાં સેન્ટ્રલ પ્રોવિન્સ વિસ્કી, ટાઇટેનિયમ ટ્રીપલ ડીસ્ટિલ્ડ વોડકા સહિત 7 બ્રાન્ડનું એક પોર્ટફોલિયો છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ