બિઝનેસ / સોનું લેવામાં ઉતાવળ ન કરતા, થોડા દિવસમાં જ ભાવ ઘટીને થશે 70000 રૂપિયા!

સોનાનો ભાવ સતત વધી રહ્યો છે, ખાસ કરીને જેમના ઘરમાં આગામી દિવસોમાં લગ્ન જેવા પ્રસંગ છે. લાખ રૂપિયાને ટચ થઈ ગયેલ સોનું મધ્યમ વર્ગની પહોંચની બહાર થઈ ગયું છે. આ વર્ષે રોકાણકારો માટે સોનું સુપરસ્ટાર રહ્યું છે. જાન્યુઆરીમાં સોનાનો ભાવ 2,600 ડોલર પ્રતિ ઔંસથી વધીને 3,355 ડોલર પ્રતિ ઔંસ થયું છે એટલે કે સોનામાં લગભગ 30 ટકાનો વધારો થયો છે પરંતુ હવે સોનાના દિવસો પૂરા થવાના છે.

• સોનાનો ભાવ તૂટશે
  સોનું તેની ટોચ પર પહોંચી ગયું છે. હવે સોનાના ભાવમાં મોટો ઘટાડો થવાનો છે. આ દાવો સિટી રિસર્ચ દ્વારા કરવામાં આવ્યો છે. સોનાની ગતિ ધીમી પડવાની છે. રોકાણના દૃષ્ટિકોણથી સોનાની માંગ નબળી રહેશે. આગામી 1-2 મહિનામાં સોનાના ભાવમાં 10% અને એક વર્ષમાં લગભગ 30%નો ઘટાડો થવાની ધારણા છે. માર્કેટમાં જિયોપોલિટિકલ ટેન્શન, સેન્ટ્રલ બેંક ખરીદી, ETF માંગ અને ડોલરની નબળાઈ પહેલાથી જ ઓછી થઈ ગઈ છે તેથી સોનાના ભાવમાં વધારો કરી શકે તેવું કોઈ નવું ટ્રિગર દેખાતું નથી.
  
• સોનાના ભાવમાં ઘટાડાનું અનુમાન

સિટી રિસર્ચે સોનાના ભાવમાં ઘટાડાની આગાહી કરી છે. તેના અહેવાલમાં કહ્યું છે કે વૈશ્વિક અર્થતંત્રના વિકાસની સંભાવનાઓ સુધરવા જઈ રહી છે. સોનાને ટ્રિગર કરતા પરિબળો દેખાતા નથી. અહેવાલમાં એવું પણ કહેવાયું છે કે વર્ષ 2026 ના બીજા ભાગ સુધીમાં સોનાનો ભાવ ઘટીને 2500-2700 ડોલર પ્રતિ ઔંસ થઈ શકે છે. એક્સપર્ટ અનુસાર, આગામી દિવસોમાં સોનામાં મોટો સુધારો જોવા મળી શકે છે. ટૂંકા ગાળામાં સોનું નબળું પડી શકે છે. જોકે ઈરાન-ઈઝરાયલ યુદ્ધ વચ્ચે સોનાની માંગ વધી શકે છે.

• યુદ્ધમાં સોનું શાંત

એક્સપર્ટ અનુસાર, ઈરાન અને ઇઝરાયલ વચ્ચે યુદ્ધની સ્થિતિ એટલી ગંભીર છે પણ પરંતુ સોનું રિએક્ટ નથી કરી રહ્યું. સોનાના ભાવમાં ઘટાડો ચાલુ છે. આગામી 2 મહિનામાં સોનામાં વધુ ઘટાડો થઈ શકે છે તેવો અંદાજ છે. જો યુદ્ધ ટળી જાય અને વૈશ્વિક તણાવનો અંત આવે તો સોનાના ભાવ એક વર્ષમાં 30 ટકા સુધી ઘટી શકે છે.

• શું ભારતીય માર્કેટમાં સોનું થશે સસ્તું?

જો વૈશ્વિક સ્તરે સોનાના ભાવમાં 12-15% ઘટાડો થાય છે તો ભારતમાં પણ સોનાના ભાવ ઘટી શકે છે. સોનું 80000 થી 85000 રૂપિયા પ્રતિ 10 ગ્રામ સુધી ઘટી શકે છે. જો વૈશ્વિક માર્કેટમાં સોનાનો ભાવ 30% ઘટે છે, તો ભારતમાં સોનાનો ભાવ 10 ગ્રામ દીઠ 68,950 રૂપિયા સુધી ઘટી શકે છે.

વધુ વાંચો : રોકાણકારો રૂપિયા તૈયાર રાખજો, ₹26000Cr માટે 8 IPO આપશે દસ્તક, જોઈ લો લિસ્ટ

• શું ખરીદી માટે રાહ જોવી જોઈએ?

જો તમે સોનું ખરીદવા માંગતા હો તો તમે થોડી રાહ જોઈ શકો છો. જ્યારે કિંમત 85 હજાર રૂપિયાની આસપાસ પહોંચે ત્યારે તમે ખરીદી શકો છો. જોકે સોનાનો ભાવ ગ્લોબલ ગતિવિધિઓ પર આધાર રાખે છે.

(DISCLAIMER : બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ