Gold Silver Rate / ભારત-પાક. તણાવ વચ્ચે સોના-ચાંદીના ભાવ આજે ઘટ્યા કે વધ્યા?, જાણો લેટેસ્ટ રેટ

ભારત-પાકિસ્તાન વચ્ચે ટેનશન ભરેલા માહોલ વચ્ચે સપ્તાહના છેલ્લા કારોબારી દિવસે શુક્રવારે પણ સોનાના ભાવમાં ઘટાડો જોવા મળી રહ્યો છે. શરૂઆતના કારોબારમાં સ્થાનિક સોનાના વાયદાના ભાવ લાલ રંગમાં ટ્રેડ થતા જોવા મળ્યા. શુક્રવારે સવારે, MCX એક્સચેન્જ પર 5 જૂન, 2025 ના રોજ ડિલિવરી માટેનું સોનું 0.20 ટકા અથવા 190 રૂપિયા ઘટીને 95,978 રૂપિયા પ્રતિ 10 ગ્રામ પર ટ્રેડ થતું જોવા મળ્યું. આ ઉપરાંત, સોનાના વૈશ્વિક ભાવમાં વધારો થયો છે.

ચાંદીના ભાવમાં પણ ઘટાડો થયો

શુક્રવારે સવારે સોનાની સાથે ચાંદીમાં પણ ઘટાડો જોવા મળી રહ્યો છે. સ્થાનિક બજારમાં ચાંદીના વાયદા લાલ રંગમાં કારોબાર કરતા જોવા મળ્યા. MCX પર શરૂઆતના વેપારમાં 4 જુલાઈ, 2025 ના રોજ ડિલિવરી માટે ચાંદીનો ભાવ 0.41 ટકા અથવા રૂ. 396 ઘટીને રૂ. 96,116 પ્રતિ કિલોગ્રામ થયો હતો.

વૈશ્વિક સોનાનો ભાવ

સ્થાનિક બજાર ઉપરાંત, વૈશ્વિક સ્તરે સોનાના ભાવમાં વધારો થઈ રહ્યો છે. શુક્રવારે સવારે, કોમેક્સ પર સોનાનો વૈશ્વિક ભાવ 0.19 ટકા અથવા $6.40 વધીને $3,312.40 પ્રતિ ઔંસ પર ટ્રેડ થતો જોવા મળ્યો. તે જ સમયે, સોનાનો ભાવ 0.12 ટકા અથવા $4.11 ના વધારા સાથે $3,309.83 પ્રતિ ઔંસ પર ટ્રેડ થતો જોવા મળ્યો.

આપણાં શહેરમાં સોનાનો ભાવ 22 કેરેટ 24 કેરેટ 18 કેરેટ

• અમદાવાદમાં સોનાનો ભાવ ₹91360 ₹99660 ₹74750
• મુંબઈમાં સોનાનો ભાવ ₹91310 ₹99610 ₹74710
• દિલ્હીમાં સોનાનો ભાવ ₹91460 ₹99760 ₹74840
• કોલકાતામાં સોનાનો ભાવ ₹90750 ₹99000 ₹74250

આ પણ વાંચો : શેરબજારમાં ભારત પાક. તણાવની અસર, સેનસેક્સ અને નિફ્ટીમાં નબળી શરૂઆત

વૈશ્વિક ચાંદીના ભાવ

સોનાના વૈશ્વિક ભાવથી વિપરીત, ચાંદીના વૈશ્વિક ભાવમાં ઘટાડો જોવા મળ્યો છે. કોમેક્સ પર ચાંદીના વૈશ્વિક ભાવ 0.10 ટકા અથવા $0.03 ઘટીને $32.59 પ્રતિ ઔંસ પર ટ્રેડ થતા જોવા મળ્યા. તે જ સમયે, શુક્રવારે સવારે ચાંદીનો વૈશ્વિક હાજર ભાવ 0.01 ટકાના ઘટાડા સાથે $32.46 પ્રતિ ઔંસ પર ટ્રેડ થતો જોવા મળ્યો. એટલે કે ભારતીય બજારમાં ચાંદીના ભાવ 1,10,000 રૂપિયા બોલાઇ રહ્યાં છે

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ