કર્ણાટક / ડીકે શિવકુમારની ધરપકડ પછી વિરોધ પ્રદર્શન શરૂ, બે બસ સળગાવી, સ્કૂલ -કોલેજ થયા બંધ

કોંગ્રેસના નેતા ડીકે શિવકુમારની ધરપકડ બાદ કર્ણાટકમાં અનેક જગ્યાઓએ વિરોધ પ્રદર્શન કરવામાં આવી રહ્યું છે. રામનગરમાં મંગળવારે મોડી રાતે બે બસને આગ ચાંપી દેવામાં આવી. જ્યારે અનેક બસો પર પથ્થરમારો કરવામાં આવ્યો હતો. 

પોલિસના આધારે રામનગર મંડળમાં લગભગ 10 બસો પર પથ્થરમારો કરવામાં આવ્યો હતો. જેમાં બસના કાચ પણ તૂટી ગયા હતા. રામનગર પોલિસે બસના સંચાલન પર નવા આદેશ ન આવે ત્યાં સુધી રોક લગાવી હતી. સાથે જ આજે રામનગરની દરેક શાળા અને કોલેજોને પણ બંધ રાખવાનો આદેશ આપવામાં આવ્યો છે. 

મોટી સંખ્યામાં તૈનાત કરાયું સુરક્ષાદળ

કોંગ્રેસના કાર્યકર્તા આજે પણ પ્રદર્શન કરી શકે છે. સુરક્ષાના પગલે મોટી સંખ્યામાં પોલિસ દળ તૈનાત કરવામાં આવ્યું છે. સાથે જ રૈપિડ એક્શન ફોર્સની એક ટીમ પણ તૈનાત કરી દેવામાં આવી છે. 

સંકટમોચકની ધરપકડ, દિલ્હીથી કર્ણાટક સુધી હલચલ

કોંગ્રેસના સંકટમોચક ડીકે શિવકુમારની ધરપકડ બાદ દિલ્હીથી કર્ણાટક સુધી હલચલ મચી છે. બેંગલુરુમાં ધરપકડની ખબર આવતાં જ ડીકે શિવકુમારના સમર્થકો સડક પર ઉતરી આવ્યા. બેકાબૂ સમર્થકોએ સડક જામ કરીને બસને આગને હવાલે કરી હતી. 

4 દિવસ ચાલી પૂછપરછ, રડી પડ્યા ડીકે શિવકુમાર

ડીકે શિવકુમારની મંગળવારે સાંજે ઈડીએ ધરપકડ કરી હતી. દિલ્હીમાં 4 દિવસથી તેમની પૂછપરછ ચાલી રહી હતી. ગણેશચતુર્થીના દિવસે ઈડીની ઓફિસે જતાં ડીકે શિવકુમાર રડી પડ્યા હતા. ધરપકડ બાદ ડીકે શિવકુમારે ટ્વિટ કરીને ધરપકડને બદલાની કાર્યવાહી ગણાવી.

બદલાની કાર્યવાહીનો શિકાર છું - શિવકુમાર

ડીકે શિવકુમારે કહ્યું કે હું મારા બીજેપીના મિત્રોને અભિનંદન આપું છું કે તેઓએ મારી ધરપકડ કરાવવાના મિશનને સફળતા પૂર્વક પૂરું કર્યું. મારી વિરુદ્ધમાં આઈટી અને ઈડી કેસ રાજનીતિક રીતે પ્રેરિત છે. હું બીજેપીની બદલાની કાર્યવાહીનો શિકાર છું. 

I congratulate my BJP friends for finally being successful in their mission of arresting me.

The IT and ED cases against me are politically motivated and I am a victim of BJP's politics of vengeance and vendetta.

— DK Shivakumar (@DKShivakumar) September 3, 2019