વિશ્વમાં એવી કોઇ રસ્તો નથી, જ્યાં મુશ્કેલીઓ ના હોય. પરંતુ સાચો મુસાફિર તો એ છે કે જે લાખો પરેશાનીઓને સંભાળી શકે અને વગર કોઇ ફરિયાદે ચાલવાનું શરૂ રાખે. સંઘર્ષની આ ઘટના ભારતીય અંડર-19 ટીમમાં પસંદ કરવામાં આવેલ અથર્વ અંકોલેકરની છે.
અંદાજે 9 વર્ષની ઉંમરમાં જ અથર્વનાં માથા પરથી પિતાનો પડછાયો જતો રહ્યો છે. આજીવિકા ચલાવનારા આમ અચાનક જ ચાલ્યા ગયા બાદ એક પળની રોટલાં માટે પણ ફાંફા પડી ગયા હતાં. આ મુશ્કેલ હાલતમાં માંએ જે જુસ્સો અપાવ્યો, તે કોઇ મિશાલથી ઓછું નથી.
એક અંગ્રેજી ન્યૂઝપેપરને વૈદેહી અંકોલેકરે જણાવ્યું કે, પુત્રનાં ભારતીય ટીમમાં પસંદગી થયા બાદ ખૂબ જ શુભકામનાઓનાં મેસેજ પણ મળ્યાં, જેમાં સંબંધીઓ અને બેસ્ટનો સ્ટાફ પણ શામેલ હતો. તેઓએ જણાવ્યું કે, 'મારા પતિ વિનોદ BEST (બૃહન્મુંબઇ ઇલેક્ટ્રિસીટી સપ્લાય એન્ડ ટ્રાન્સપોર્ટ) માં કંડક્ટર હતાં. પરિવારમાં તેઓ એકલા જ કમાનાર હતાં. એવામાં શરૂઆતમાં મેં મિત્રની મદદથી ટ્યૂશન આપવાનું શરૂ કર્યુ. બાદમાં મને પતિની નોકરી મળી ગઇ.'
અથર્વ (Atharva Ankolekar) આજે પણ પોતાનાં પિતાને વધારે યાદ કરે છે. બકૌલ અથર્વ જ્યારે તેઓ નાના હતા ત્યારે પિતા તેનાં બેડ નજીક ક્રિકેટનું બેટ મૂકી દેતા. સારું એવું રમવા પર ક્રિકેટનો બાકી સામાન પણ લાવીને આપતા.
શ્રીલંકામાં આગામી મહીને થનારા યૂથ એશિયા કપ (U-19) ટૂર્નામેન્ટ માટે જાહેર કરાયેલી ટીમની આગેવાની કારગિલ હીરોનાં પુત્ર ધ્રુવ જુરેલ કરી રહ્યાં છે. આ ટીમમાં અથર્વની પસંદગી કરવામાં આવી છે. નવ વર્ષ પહેલા અથર્વએ એક પ્રેક્ટિસ મેચમાં માસ્ટર બ્લાસ્ટર સચિન તેંડુલકરને આઉટ કરી દીધાં હતાં. આ ઘટનામાં તેની ખૂબ પ્રશંસા કરાઇ હતી. બાદમાં સચિને તેને ઓટોગ્રાફવાલા ગ્લ્વ્સ ગિફ્ટ કર્યા હતાં.