ધાર્મિક કટ્ટરતાથી તોબા / ભારતના આ પડોશી દેશમાં બુરખા પર પ્રતિબંધ, મદરસાઓ પર પણ એક્શન લેવાની તૈયારી

• ઈસ્લામિક કટ્ટરવાદથી તંગ આવી ચૂક્યો છે શ્રીલંકા
• 2019 માં પણ શ્રીલંકા બુરખા પર પ્રતિબંધ લગાવી ચૂક્યો છે
• ડેનમાર્ક, ઓસ્ટ્રિયા, નેધરલેન્ડ અને બુલ્ગેરિયા અને ફ્રાન્સે પણ સાર્વજનિક સ્થળોએ બુરખા પહેરવા પર પ્રતિબંધ

શ્રીલંકાના જાહેર સુરક્ષા મંત્રી સરથ વેરાસેકરાએ જણાવ્યું કે મહિંદા રાજપક્ષેની આગેવાની વાળી સરકારે દેશમાં બુરખા પર પ્રતિબંધ લગાડવાનો નિર્ણય કર્યો છે. કેબિનેટની મંજૂરી માટે એક બીલ પર હસ્તાંક્ષર કરાયા છે. આ બીલમાં રાષ્ટ્રીય સુરક્ષાને આધારે મુસ્લિમ મહિલાઓના બુરખા પહેરવા પર પ્રતિબંધની માગ કરાઈ હતી. જો આ બીલ પસાર થઈ જાય તો શ્રીલંકાની સંસદ તેની પર કાયદો બનાવી શકે છે. 

મદરેસા ઈસ્લામિક સ્કૂલો પર પ્રતિબંધ લગાડવાની યોજના

વેરાસેકરાએ જણાવ્યું કે સરકારે એક હજાર કરતા પણ વધારે મદરેસા ઈસ્લામિક સ્કૂલો પર પ્રતિબંધ લગાડવાની યોજના બનાવી છે. આ ધાર્મિક અતિવાદનો સંકેત છે. નિશ્ચિત રીતે અમે બુરખા પર પ્રતિબંધ લગાડવા જઈ રહ્યાં છીએ. 

2019 માં સરકારે બુરખા પર પ્રતિબંધ મૂકી દીધો

આપને જણાવી દઈએ કે 2019 માં ચર્ચો અને હોટલ પરના ઈસ્લામી આતંકવાદીઓના હુમલા બાદ થોડા સમય પૂરતો સરકારે બુરખા પર પ્રતિબંધ મૂકી દીધો. આ હુમલામાં 250 કરતા પણ વધારે લોકોના મોત થયા હતા. 

સ્વિત્ઝરલેન્ડમાં બુરખા પર બૅનને લઈને ચાલી રહેલી ચર્ચાઓની વચ્ચે રવિવારે તેની પર જનમત એટલે કે રેફરેન્ડમ કરાયું. તેમાં સાર્વજનિક સ્થળોએ બુરખા પહેરવાને લઈને બૅન માટે લોકોએ મતદાન કર્યું મળતી માહિતી અનુસાર પરિણામના આધારે 50 ટકા લોકોએ બૅનના પક્ષમાં મતદાન કર્યું હતું. જ્યારે 54 ટકા મતદાતા બુરખા, નકાબને ગેરકાયદેસર જાહેર કરવાના પક્ષમાં હતા. 

કયા દેશો મૂકી ચૂક્યા છે સાર્વજનિક સ્થળોએ બુરખા પર પ્રતિબંધ

ડેનમાર્ક, ઓસ્ટ્રિયા, નેધરલેન્ડ અને બુલ્ગેરિયા અને ફ્રાન્સે પણ સાર્વજનિક સ્થળોએ બુરખા પહેરવા પર પ્રતિબંધ મૂક્યો છે. સ્વિત્ઝરલેન્ડમાં 5.2 ટકા વસ્તી મુસ્લિમ છે. અહીંની મુસ્લિમ વસ્તી 86 લાખ છે તેમાં 30 ટકા મહિલાઓ નકાબ લગાવે છે. અહીં કોઈ બુરખો પહેરતું નથી.