AMCની 350 સ્કૂલમાં નથી ફાયર સેફ્ટી ! વિદ્યાર્થીઓની સુરક્ષા સામે ઉભો સવાલ

અમદાવાદમાં AMC સંચાલિત સ્કૂલોમાં ફાયર સેફટીમાં તંત્રની પોલંપોલ સામે આવી છે. ફાયર એક્ટ પ્રમાણે તમામ સ્કૂલમાં ફાયર સેફટીની ખાસ જરૂર છે. પરંતુ AMCની 350 સ્કૂલમાં ફાયર સેફટીની સુવિધા નથી. સ્કૂલ બોર્ડને કરોડોની ગ્રાન્ટ ફળવાઈ છે. છતાં સ્કૂલોમાં ફાયર સેફટીની સુવિધા નથી. 

ઉલ્લેખનીય છે કે સ્કૂલોમાં લગાવેલા ફાયર સેફટીના સાધનોની સમય મર્યાદા પૂર્ણ થતાં 2014માં ફાયર સેફટીના સાધનો લગાવાયા હતા. પરંતુ સાધનો લગાવ્યા બાદ એકપણ રિચાર્જ કરાવ્યા નથી. છેલ્લા ચાર વર્ષની ફાયર સેફટીના સાધનો ધૂળ ખાઈ રહ્યા છે. ત્યારે અહીં સંતાનોની સુરક્ષાને લઈને AMCના નઘરોળ તંત્ર સામે અનેક સવાલો ઉભા થાય છે. સ્કૂલમાં કેમ ફાયર સેફટીની સુવિધા નથી ? સ્કૂલ બોર્ડે ફાળવેલી કરોડોની ગ્રાન્ટ કયાં ગઈ? ફાયર સેફટી માટે ફળવાયેલી કરોડોની ગ્રાન્ટ કેમ વપરાઈ નથી? 



શું ફળવાયેલી ગ્રાન્ટ અધિકારીઓ ચાઉં કરી ગયા? જો કોઈ દુર્ઘટના સર્જાય તો જવાબદાર કોણ? સ્કૂલમાં આગ લાગે તો બાળકોનું શું થાય? આકસ્મિક ઘટના બને તો જવાબદાર કોણ? શાળાઓમાં સાધનો લગાવામાં AMC કેમ  કોઈ રસ દાખવતી નથી? સ્કૂલોની જેમ અન્ય વિભાગોમાં પણ ફાયરસેફ્ટીની અવગણના કરી હશે?  જેવા તમામ પ્રકારના સવાલ થાય છે.