છોટાઉદેપુરમાં PSI જેબી કટારાના ઘરમાંથી દારૂ મળતાં પોલીસબેડામાં ખળભળાટ મચી જવા પામ્યો છે. જે બી કટારાના ઘરમાંથી 265 નંગ વિદેશી બોટલ મળી આવી છે. કદવાલ પોલીસ સ્ટેશનમાં ફરજ બજાવતા SPની રેડ દરમિયાન PSIના ઘરમાંથી દારૂ મળ્યો છે. PSI સહિત બે કોન્સ્ટેબલની અટકાયત કરાઈ છે. PSIએ પોતાના ઘરમાં શા માટે દારૂ રાખ્યો હતો તે અંગે તપાસ તપાસ શરૂ કરાઈ હતી. ત્યારે અહીં અનેક પ્રકારના સવાલ ઉભા થાય છે કે પોલીસના જ ઘરમાં દારૂ હોય તો પોલીસ દારૂબંધીને કેવી રીતે રોકશે?
PSIના ઘરમાં 265 નંગ વિદેશી બોટલ કયાંથી આવી? પોલીસના જ ઘરમાં દારૂ તો દારૂબંધીનું શું? PSI જેબી કટારાએ કેમ ઘરમાં દારૂ રાખ્યો હતો? કેટલા સમયથી PSI ઘરમાં દારૂ રાખતો હતો? PSIને ઘરમાં દારૂ રાખવાની કેમ ફરજ પડી? શું PSI જેબી કટારા દારૂની હેરાફેરી કરતો હતો? શું PSIની દારૂની હેરાફેરીમાં બુટલેગર સાથે સાંઠગાંઠ હતી? શું પોલીસ તપાસમાં વધુ વિગતો ખુલશે? શું હવે આ PSI સામે ગૃહમંત્રી દ્વારા લેવાશે કોઈ પગલા? જેવા તમામ પ્રકારના સવાલ અહી ઉભા થાય છે.
ઉલ્લેખનીય છે કે હાલ તો પોલીસે પી.એસ.આઈ સહિત બન્ને પોલીસ કર્મીઓ સામે ગુનો નોંધી ત્રણેયની ધરપકડ કરી છે અને આ દારૂ ના જથ્થાનું તેઓ વેંચતા હતા કે નહીં તે દિશામાં તપાસ આદરી છે. તો બનાવ સંદર્ભે ખુદ પોલીસ અધિકારી અને કર્મીઓને પોતાના પોલીસ મથકમાં જ આરોપી તરીકે કેદ થવાનો વારો આવ્યો છે.