મહામારી / VIDEO : વર્લ્ડની સૌથી ઊંચી બિલ્ડિંગ બુર્જ ખલિફા પર વીજળી ત્રાટકી, વાયરલ વીડિયો જોઈને મન મોહી ઉઠશે

• યુએઈમાં જોરદાર વરસાદ અને પવન સાથે થઈ નવા વર્ષની શરુઆત
• શારજાહ સહિતના વિસ્તારો પાણીપાણી
• દુનિયાની સૌથી ઊંચી બિલ્ડિંગ બુર્જ ખલિફા પર વીજળી ત્રાટકી
• વીડિયો વાયરલ

સંયુક્ત આરબ અમીરાતમાં નવા વર્ષની શરુઆત જોરદાર વરસાદ અને ભારે પવનની થઈ છે. શારજાહ અને દુબઈ સહિતના શહેરો પાણીપાણી થયા છે ત્યારે  દુનિયાની સૌથી ઊંચી બિલ્ડિંગ બુર્જ ખલિફા પર વીજળી ત્રાટકતા જોવા જેવો ઘાટ થયો હતો. શનિવારે 163 ફ્લોર ધરાવતી દુનિયાની સૌથી ઊંચી બિલ્ડિંગ બુર્જ ખલિફા પર વીજળી ત્રાટકી હતી. પરંતુ જોવાની ખૂબી એ છે કે વીજળીનો કડાકો એટલો ભયંકર હતો તેમ છતાં પણ તેનો વાળ પણ વાંકો થયો નહોતો. બુર્જ ખલિફા પર વીજળી ત્રાટકવાનો એક વીડિયો સોશિયલ મીડિયામાં શેર થઈ રહ્યો છે. 

Video captures the moment Burj Khalifa is struck by lightning on Saturday https://t.co/NgM0qo40LJ #BurjKhalifa pic.twitter.com/i5EVV1g67i

— Gulf Today (@gulftoday) January 1, 2022

વીડિયો જોઈને લોકો બોલી ઉઠ્યા કે બાંધનારે બાંધી જાણી છે

વીડિયો જોઈને બોલી ઉઠ્યા કે બાંધનારે બાંધી જાણી છે બુર્જ ખલિફા. મીડિયા રિપોર્ટ અનુસાર, ભયંકર વીજળી ત્રાટકી હોવા છતાં પણ તેનો એક કાંકરો પણ ખર્યો નહોતો. બુર્જ ખલિફાને બાંધનાર એન્જિનિયર અને લોકોને ધન્યવાદ આપવા ઘટે. 

શું છે વાયરલ વીડિયોમાં
વાયરલ વીડિયોમાં જોવા મળી રહ્યું છે કે વીજળી સીધી બુર્જ ખલિફાની ટોચ પર ત્રાટકી હતી. આખુ આકાશ રાતે દિવસની જેમ ચમકતું દેખાય છે. બુર્ઝ ખલિફા પર વીજળી ત્રાટકવાને કારણે કોઈ નુકશાનની ખબર નથી. યુએઈમાં શનિવારે પારો ગગડીને 7.5 ડિગ્રી સેલ્યિયસ સુધી પહોંચી ગયો હતો. વરસાદને કારણે શારજાહ અને અબૂધાબીના રસ્તાઓ પાણીપાણી બનતા કાર અને બીજા વાહનો અડધા ડૂબી ગયા હતા.