રાજસ્થાનના બુંદીમાં બસ નદીમાં ખાબકતા 25 લોકોના મોત નીપજ્યા છે. કોટાથી સવાઈમાધોપુર જઈ રહેલી જાનૈયાથી ભરેલી બસને અકસ્માત નડ્યો. પુલ પર નિયંત્રણ ન રહેતા બસ મેજ નદીમાં ખાબકી જેમાં અકસ્માતમાં 25 લોકોના મોત થયા છે. ત્યારે સ્થાનિકોએ કહ્યું કે અકસ્માત સમયે બસ પૂર ઝડપે હતી. ત્યારે સ્થાનિકોએ લોકોને બચાવાવનો પ્રયાસ કર્યા હતા. હાલ NDRF અને સ્થાનિક તંત્ર દ્વારા રેસ્ક્યૂ ઓપરેશન હાથ ધરાયું છે.
રાજસ્થાનમાં જાનૈયાઓને નડ્યો અકસ્માત
નદીમાં બસ ખાબકતા 25 લોકોના મોત
જાનૈયાઓથી ભરેલી બસ મેજ નદીમાં ખાબકી બસ
રાજસ્થાનના બૂંદીમાં બુધવારે સવારે એક મોટો અકસ્માત થયો. પાપડી ગામની પાસે જાનૈયાઓ ભરેલી બસ મેજ નદીમાં જઈને પડી. આ અકસ્માતમાં 25 લોકોના મોત થઈ ચૂક્યા છે.
Rajasthan: 24 people dead, 5 people injured after a bus fell into a river in Bundi today. https://t.co/wipW2lGbdr
કોટાના દાદીબાડીથી એક પરિવારના લોકો લગ્નમાં સામેલ થવા સવાઈ માધોપુર જઈ રહ્યા હતા. બસ અનિયંત્રિત થઈ અને સાથે જ નદીમાં જઈને પડી. પ્રાથમિક તપાસમાં જાણવા મળ્યું છે કે બસનું આગળનું ટાયર નીકળી જવાના કારણે બસ અનિયંત્રિત થઈ હતી.
NDRFની ટીમ પહોંચી ઘટના સ્થળે
બૂંદીના કલેક્ટરે કહ્યું કે ઘટના બનતાંની સાથે જ પ્રશાસન અને NDRFની ટીમ સ્થળ પર પહોંચી છે. રાહત કાર્ય ચાલુ કરાયું છે. હાલ સુધી 12-13 શબ બહાર કાઢવામાં આવ્યા છે. બસમાં ફસાયેલા લોકોનું રેસ્ક્યૂ ઓપરેશન ચાલી રહ્યું છે.
ભાણીના લગ્નમાં માયરો લઈને જઈ રહ્યો હતો મુરારી પરિવાર
જાણકારી અનુસાર બસમાં કોટાના મુરારી લાલ ધોબી પોતાના પરિવાર સાથે માધોપુર જઈ રહ્યા હતા. રસ્તામાં બસને અકસ્માત નડ્યો. ઘટના સમયે સ્થાનીય લોકોની ભીડ એકઠી થઈ હતી. સ્થાનીય લોકો પણ રાહત અને બચાવનું કામ કરી રહ્યા હતા.