ઓહ બાપ રે! / આ દીકરીના પેટમાંથી સર્જરી દરમિયાન દોઢ કિલો વાળ નીકળ્યા, કેવી રીતે ખબર પડી જુઓ

• છ વર્ષની એક નાની બાળકી પેટના દુ:ખાવાથી પરેશાન
• બાળકીના પેટમાંથી ડૉકટરોએ 1.5 કિલો વાળનો જથ્થો કાઢ્યો
• બાળકીના વાળ ખાવાની આદત વિશે તેના માતા-પિતા અજાણ

પેટમાંથી નિકળ્યાં 1.5 કિલો વાળ

આ મામલો હરિયાણાના પંચકૂલાનો છે અને બાળકીને વાળ ખાવાની આદત વિશે તેના માતા-પિતાને કોઈ જાણ ન હતી. પરંતુ તબીબોએ ખૂબ મહેનત કર્યા બાદ તેનું ઓપરેશન કરવામાં આવ્યું તો બાળકીના પેટમાંથી વાળના જથ્થાને પેટમાંથી કાઢવામાં સફળતા મળી છે. ખરેખર, 6 વર્ષની આ દીકરીને જ્યારે પેટમાં દુ:ખાવાની ફરિયાદ થઈ તો તેને સેક્ટર-6ની સિવિલ હોસ્પિટલમાં દાખલ કરવામાં આવી. પછી બાળકીનો મેડિકલ ટેસ્ટ કર્યા બાદ તેના પેટની અંદર વાળનો જથ્થો હોવાની માહિતી મળી. જેના કારણે તેને દુ:ખાવાની ફરિયાદ થતી હતી. 

આખરે કેવીરીતે આવ્યાં આટલા બધા વાળ?

મીડિયા રિપોર્ટ મુજબ, બાળકીના પેટમાં આટલા બધા વાળ કેવીરીતે જમા થયા તે અંગે તબીબો કોઈ સ્પષ્ટતા આપી રહ્યાં નથી. પરંતુ તબીબોનું કહેવુ છે કે ક્યારેક-ક્યારેક બાળકો પોતાના પણ વાળ ખાય છે અને આવુ માનસિક સ્થિતિના કારણે થાય છે. કદાચ આ જ આદતના કારણે બાળકના પેટમાં 1.5 કિલો વાળ જમા થઇ ગયા હતા.