ક્રિકેટ / બુમરાહે સ્ટંપની કરી નાંખી આવી હાલત, હવે ધમાકેદાર વાપસીની રાહ

• પ્રેક્ટીસ દરમિયાન સ્ટમ્પ તૂટ્યા હોય તેવી તસવીર 
• આવતાં વર્ષે ન્યુઝીલેન્ડ પ્રવાસમાં તે સામેલ થાય તેવી આશા
•  ભારતે બાંગ્લાદેશ સામે 2-0થી ટેસ્ટ સીરીઝ પોતાના નામે કરી લીધી

ઈજાના કારણે ટીમથી બહાર

બુમરાહ પોતાની ધમાકેદાર વાપસી કરવા માટે પૂરજોશમાં તૈયારી કરી રહ્યા છે. મંગળવારે તેમણે પ્રેક્ટીસ દરમ્યાનની એક તસવીર શેર કરી હતી. ટીમ ઈન્ડિયાએ પોતાના ફાસ્ટ બોલર્સનાં કારણે બાંગ્લાદેશ સામેની ડે-નાઈટ મેચમાં બાંગ્લાદેશને પછાડ્યું હતું. ભારતે 2-0થી ટેસ્ટ સીરીઝ પોતાના નામે કરી લીધી. ઉલ્લખેનીય છે કે આ મેચમાં જસપ્રીત બુમરાહ નહોતા કારણે કે તેઓ ઈજાના કારણે ટીમથી બહાર છે. 

The End. #ForTheSessionAndTheStumps 🔥🔥 pic.twitter.com/79loGeUqgT

— Jasprit Bumrah (@Jaspritbumrah93) November 26, 2019

પરંતુ હાલમાં તેઓ મેચ માટે જ પ્રેક્ટીસ કરી રહ્યા હોય તેવું લાગી રહ્યું છે. મંગળવારનાં રોજ તેમણે એક તસવીર સોશિયલ મીડિયામાં મૂકી હતી જેમાં પ્રેક્ટીસ દરમિયાન સ્ટમ્પ તૂટી ગયો હોય તેવું દેખાઈ રહ્યું છે. 

આ તસવીરની સાથે બુમરાહે લખ્યું કે 'અંત પ્રેક્ટીસ સત્ર અને સ્ટમ્પનો પણ'. 

નોંધનીય છે કે ભારતીય ટીમનાં બોલર ઇશાંત શર્માએ 12 વિકેટો લીધી હતી, મોહમ્મદ શમીએ 9 અને ઉમેશ યાદવે 12 વિકેટ લીધી હતી.બુમરાહ ઈજાના કારણે સાઉથ આફ્રિકા વિરુદ્ધ રમવામાં સીરીઝથી જ ટીમની બહાર છે. તેમને સ્ટ્રેસ ફ્રેકચરની સમસ્યા છે જોકે આવતાં વર્ષે ન્યુઝીલેન્ડ પ્રવાસમાં તે સામેલ થાય તેવી આશા છે. બુમરાહ આ ઈજાનાં લીધે લંડન ગયા હતા. અત્યારે તેમની ગેરહાજરીમાં ઇશાંત શર્મા, મોહમ્મદ શમી અને ઉમેશ યાદવ ટીમમાં બોલિંગ કરે છે