ફેબ્રુઆરીના 20 દિવસમાં સોનાના ભાવમાં 3292 રૂપિયા પ્રતિ 10 ગ્રામ ઘટ્યા છે અને માર્ચ મહિનામાં ફરી ભાવ વધવાનું અનુમાન પણ કરાયું છે.
સોના અને ચાંદીના ભાવમાં થયો ઘટાડો
20 દિવસમાં સોનું થયું 3292 રૂપિયા પ્રતિ 10 ગ્રામ સસ્તુ
ચાંદીમાં 7594 રૂપિયા પ્રતિ કિલોનો ઘટાડો
માર્ચ મહિનામાં ફીરથી વધી શકે છે સોના ચાંદીના ભાવ
આ વર્ષે લગ્નગાળો એક મહિનો મોડો છે. હાલમાં થોડા લગ્ન થઈ રહ્યા છે પણ એપ્રિલમાં લગ્ન સીઝન ખીલશે અને આ કારણે માર્ચ મહિનામાં સોના ચાંદીના ભાવ ફરી એકવાર ઉંચકાય તેવું અનુમાન છે.
20 દિવસમાં સોના ચાંદીના ભાવમાં થયો આટલા રૂપિયાનો ઘટાડો
ફેબ્રુઆરી મહિનાના 20 દિવસની વાત કરીએ તો સોનાની કિંમતોમાં 3292 રૂપિયા પ્રતિ 10 ગ્રામ અને ચાંદીની કિંમતોમાં 7594 રૂપિયા પ્રતિ કિલોએ સસ્તું થયું છે.
બુલિયનની રેસના પરિણામ
બુલિયન માર્કેટમાં સોના અને ચાંદીના ભાવ વાયદા કારોબાર પર આધારિત હોય છે. બજારમાં સોના અને ચાંદીની કિંમતો એકસમાન રહેતી નથી. બુલિયન માર્કેટમાં સોનાના ભાવ છેલ્લા એક અઠવાડિયામાં ઘટ્યા છે. 20 દિવસમાં સોનું 3292 રૂપિયા પ્રતિ 10 ગ્રામ સસ્તુ થયું છે તો છેલ્લા અઠવાડિયામાં તે 1285 રૂપિયા પ્રતિ 10 ગ્રામ રહ્યું છે જ્યારે ચાંદીનો ભાવમાં 37 રૂપિયાનો વધારો જોવા મળ્યો છે.
7 ઓગસ્ટે સૌથી વધારે હતો સોનાનો ભાવ
દિલ્હીના સર્રાફા બજારમાં સોનાનો ભાવ 7 ઓગસ્ટે 56254 રૂપિયાએ પહોંચ્યો હતો. છેલ્લા અઠવાડિયાની વાત કરીએ તો 12 ફેબ્રુઆરીએ સોનું 47528 રૂપિયા પર બંધ થયું હતું. એટલે કે આ દિવસે સોનું 142 રૂપિયા સસ્તું થયું હતું અને 19 ફેબ્રુઆરીએ તેના ભાવ ફરી ઘટ્યા અને તે 46101 રૂપિયા પ્રતિ 10 ગ્રામ રહ્યું. એક અઠવાડિયામાં સોનાનો ભાવ 1285 રૂપિયા ઘટ્યો છે.
15થી 19 ફેબ્રુઆરીની વચ્ચે ચાંદીમાં જોવા મળી આવી સ્થિતિ
ચાંદીની વાત કરીએ તો 7 ઓગસ્ટ 2020ના રોજ ચાંદી 76008 રૂપિયા પ્રતિ કિલો પર પહોંચી હતી. 19 ફેબ્રુઆરીએ તેના ભાવ 68414 રૂપિયા પ્રતિ કિલોએ બંધ થઈ હતી. આ અઠવાડિયા પહેલાં 12 ફેબ્રુઆરીએ ચાંદી 68377 રૂપિયા પ્રતિ કિલો હતી. આ રીતે એક અઠવાડિયામાં તેના ભાવમાં 37 રૂપિયાનો વધારો થયો છે. ખાસ કરીને વાર્ષિક રીતે તેમાં 7594 રૂપિયાનો ઘટાડો જોવા મળ્યો છે.