મુંબઈ-અમદાવાદ હાઈ સ્પીડ રેલ્વે કોરિડોર માટે 21 કિલોમીટર લાંબી ટનલ તૈયાર કરવામાં આવશે અને તેમાંથી સાત કિલોમીટરનું અંતર અંડરવોટર સી ટનલ દ્વારા કાપવામાં આવશે.
મુંબઈમાં દેશની પહેલી અંડરવોટર સી ટનલ બનવા જઈ રહી છે
અંડરગ્રાઉન્ડ મેટ્રો જમીનની નીચે હોય એમ આ સી ટનલ મેટ્રો સમુદ્રની નીચે હશે.
સરકાર બદલતા બુલેટ ટ્રેનના કામને મળી રફતાર
આજકલ વસ્તી વધારો થઈ રહ્યો છે અને એવામાં જ લોકોને આવવા જવા માટે પણ ટ્રાફિકની સમસ્યામાં પણ વધારો થઈ રહ્યો છે. એવામાં સી ટનલ બનાવીને ત્યાંથી અવજ્ર જવર કરી શકીએ તો ટ્રાફિકની સમસ્યા ઘણી ઘટી શકે છે. સી ટનલ એટલે કે દરિયાની નીચે એક ટનલ બનાવવામાં આવે. આ વાત ખાલી કહેવા પૂરતી નથી પણ મુંબઈમાં દેશની પહેલી અંડરવોટર સી ટનલ બનવા જઈ રહી છે. એટલે કે મુંબઈમાં દરિયાની અંદરથી બુલેટ ટ્રેન દોડાવવામાં આવશે. જો તમે અંડરગ્રાઉન્ડ મેટ્રો વિશે સાંભળ્યું હશે અથવા તો મુસાફરી કરી હશે. તો લગભગ એવી જ રીતે અંડરગ્રાઉન્ડ મેટ્રો જમીનની નીચે હોય એમ આ સી ટનલ મેટ્રો સમુદ્રની નીચે હશે.
સાત કિલોમીટરનું અંતર અંડરવોટર સી ટનલ
જણાવી દઈએ કે નેશનલ હાઈ સ્પીડ રેલ્વે કોર્પોરેશન લિમિટેડ (NHSRCL) એ આ માટે ટેન્ડર મંગાવ્યા છે અને આ અન્ડરવોટર સી ટનલ મુંબઈના બાંદ્રા-કુર્લા કોમ્પ્લેક્સ અને થાણેના શેલફાટા નજીકના અંડરગ્રાઉન્ડ સ્ટેશન વચ્ચે બનાવવામાં આવશે. એવો વિચાર ચાલી રહ્યો છે. NHSRCL જે ટનલ માટે ટેન્ડર મંગાવ્યા છે તેની લંબાઈ લગભગ 7 કિલોમીટર હશે. જણાવી દઈએ કે મુંબઈ-અમદાવાદ હાઈ સ્પીડ રેલ્વે કોરિડોર માટે 21 કિલોમીટર લાંબી ટનલ તૈયાર કરવામાં આવશે અને તેમાંથી સાત કિલોમીટરનું અંતર અંડરવોટર સી ટનલ દ્વારા કાપવામાં આવશે.
સરકાર બદલતા બુલેટ ટ્રેનના કામને મળી રફતાર
મળતી માહિતી અનુસાર મહારાષ્ટ્રમાં સરકાર બદલાયા પછી મુંબઈ-અમદાવાદ બુલેટ ટ્રેન પ્રોજેક્ટના કામને પણ ઝડપ મળી છે. આ પ્રોજેક્ટ કેન્દ્ર સરકારની મહત્વકાંક્ષી યોજના છે અને હવે મહારાષ્ટ્રમાં પણ ભાજપ અને શિંદે જૂથની સરકાર છે. સરકાર બદલાયા પછી કેન્દ્ર અને રાજ્ય વચ્ચેના સંકલનથી આ કેન્દ્રનો પ્રોજેક્ટને ગતિ મળી છે અને ટેન્ડર બહાર પાડવામાં આવી રહ્યા છે.
દરિયા વચ્ચે બનશે ટનલ અને ત્યાં દોડશે બુલેટ ટ્રેન
જલ્દી જ મુંબઈમાં દેશની પહેલી અંડરવોટર સી ટનલ એટલે કે દરિયાની નીચે સાત કિલોમીટર લાંબી ટનલ બનાવવામાં આવશે. મળતી માહિતી અનુસાર આ ટનલ બોરિંગ મશીન (TBM) અને ન્યૂ ઓસ્ટ્રિયન ટનલિંગ મેથડ (NTM)નો ઉપયોગ કરીને બનાવવામાં આવશે.જણાવી દઈએ કે કુલ 21 કિમીની અંડરગ્રાઉન્ડ ટનલ તૈયાર કરવામાં આવી રહી છે, જેમાંથી 7 કિમી અંડરગ્રાઉન્ડ સી ટનલ હશે. તેમાં લગભગ 16 કિમીની ટનલ તૈયાર કરવા માટે ત્રણ ટનલ બોરિંગ મશીન (TBM)નો ઉપયોગ લગભગકરવામાં આવશે અને બાકીના 5 કિમી માટે ન્યૂ ઑસ્ટ્રિયન ટનલિંગ મેથડ (NATM)નો ઉપયોગ કરવામાં આવશે. આ ટનલ જમીનની નીચે લગભગ 25 થી 65 મીટર અંદર હશે.