ખેડૂતોના વિરોધ વચ્ચે ગણદેવી અને આંતલિયામાં બુલેટ ટ્રેનની કામગીરી શરૂ

નવસારી જિલ્લાના ગણદેવી અને આંતલિયામાં બુલેટ ટ્રેનની કામગીરી શરૂ કરવામાં આવી છે. વિજકંપની દ્વારા કેબલ માટે ભૂર્ગર્ભ લાઇન નાંખવાની કામગીરી શરૂ કરાઈ છે. નેશનલ હાઇસ્પીડ રેલ કોર્પો.ને વીજકંપનીને હાલ  રૂપિયા 3.29 કરોડ ચુકવ્યા છે.

જે અંતર્ગત કુલ 67 જંક્શન ઉભા કરી 9 334 મીટર અંડર ગ્રાઉન્ડ કેબલ નાખવામાં આવશે. મહત્વનું છે કે એક તરફ ખેડૂતોની જમીનના બદલામાં વળતરની માગ ચાલી રહી છે. તેવામાં બુલેટ ટ્રેનની કામગીરી શરૂ કરાતા જમીનના બદલામાં પોતાનો હક્ક માગી રહેલા ખેડૂતો ફરી એક વખત અવાજ ઉઠાવી શકે છે.

ઉલ્લેખનીય છે કે હજાર ખેડૂતો દ્વારા હાઇકોર્ટમાં પીટીશન કરવામાં આવી છે. ગુજરાત સરકાર જમીન સંપાદનને લઈને ખોટી વાત ફેલાવી રહી છે. ખેડૂતોએ જણાવ્યુ હતું કે જમીન સંપાદનના કાયદાનું પાલન થઈ રહ્યું નથી. એક હજાર ખેડૂતો દ્વારા વિરોધ કરવામાં આવી રહ્યો છે. 

આપને જણાવી દઇએ કે ખેડૂતો દ્વારા જાપાન સરકારનો સંપર્ક કરવામાં આવ્યો છે. એક ખેડૂતોએ ઝીકા બેન્કનો સંપર્ક કર્યો છે. ખેડૂતો દ્વારા ઝીકા બેન્કને જણાવામાં આવ્યું કે સરકાર જમીન સંપાદન સમયે હિતનું ધ્યાન રાખતી નથી. હાઇકોર્ટમાં ખેડૂતોના હિતની અરજી ચાલતી નથી. ખેડૂતો સુપ્રીમ કોર્ટમાં અપીલ કરશે. ભારતમાં જાપાનના રાજદૂતને પ્રભાવિત ખેડૂતો મળશે.