હકીકતમાં હાજીપુરના સુલ્તાનપુરમાં રહેનારી રૂપાએ ગઈ કાલ સાંજે પરિવારજનોને પેટમાં દુઃખાવાની ફરિયાદ કરી હતી. જ્યારે તેમણે જોયું તો રૂપાના પેટની બાજુમાં એક ઈજા દેખાઈ હતી. પરિજનોએ મામૂલી ઈજા સમજીને તેને હોસ્પિટલમાં ડિલીવરી માટે ભર્તી કરાવી દીધી હતી.
જ્યારે હોસ્પિટલમાં ભર્તી થયેલી રૂપાની ડિલીવરી થઈ તો તેના પેટમાંથી બાળકની સાથે સાથે બંદૂકની ગોળી પણ નીકળી હતી. જેને જોઈને ડૉક્ટર પણ દંગ રહી ગયા હતાં. તેમણે પોલીસને પણ આ ઘટનાની જાણકારી આપી હતી.
મહિલાએ પોલીસને જણાવ્યું હતું કે જ્યારે તે મોડી સાંજે દરવાજા પર બેસી હતી ત્યારે કોઈ અવાજ થયો. કોઈને કંઈ સમજાયું નહીં કે આખરે થયું શું. તેના થોડાં સમય બાદ રૂપાને પેટમાં દર્દ થવા લાગ્યું હતું.
ઘરના લોકોએ તેને ડિલીવરીનું દર્દ સમજીને રૂપાને હોસ્પિટલમાં દાખલ કરી હતી. જો કે નસીબની વાત એ રહી કે આ ગોળીથી ના બાળકને કોઈ નુકસાન થયું કે ન રૂપાને. ડૉક્ટરોનું કહેવું છે કે પેટમાં ગોળી વાગી. જે પેટમાં ઘૂસી ગઈ અને કોઈ પણ અંદરના અંગને નુકસાન કર્યુ નહીં. જેથી બાળક અને મા બંને સુરક્ષિત છે. હાજીપુર પોલિસ સ્ટેશન હાલમાં એ દિશામાં તપાસ કરી રહી છે કે આખરે આ ગોળી ચલાવી કોણે?