હવા અને ધ્વની પ્રદૂષણ ફેલવતા બૂલેટચાલકોને પોલીસે પકડી અને દંડ કર્યો છે. પોલીસે કુલ 26 બૂલેટચાલકો પાસેથી 26 હજારનો દંડ વસૂલ્યો છે.
ગુજરાતમાં ધ્વનિ પ્રદૂષણ કરતા બુલેટચાલકો સામે કાર્યવાહી
રાજકોટમાં 26 બુલેટચાલકો દંડાયા
26 બુલેટચાલકો પાસેથી 26 હજારનો દંડ વસૂલાયો
ગુજરાત પોલીસ દ્વારા બૂલેટચાલકો માટે એક ચેતવણી જાહેર કરાઈ છે. ધ્વનિ પ્રદૂષણ કરતા બૂલેટ ચાલકો વિરુદ્ધ કાર્યવાહી કરવામાં આવશે. આ અંગે પોલીસ દ્વારા સોશિયલ મીડિયામાં પણ માહિતી જાહેર કરાઈ છે. રાજ્યના અલગ અલગ જિલ્લામાં પોલીસ દ્વારા કાર્યવાહી પણ શરૂ કરી દેવાઈ જે અંતર્ગત રાજકોટ, સુરત અને અમદાવાદમાં પોલીસ ધ્વનિ પ્રદૂષણ કરતા બૂલેટ કે અન્ય વાહનચાલકોને દંડ ફટકારી રહી છે.
બુલેટ બાઈક ચાલકો ઘોંઘાટ કરતા સાઈલેન્સર લગાવવાનું ટાળો, તે Noise Pollution (Regulation and Control) Rules, 2000 હેઠળ સજાપાત્ર ગુનો છે.
રાજકોટમાં ધ્વનિ પ્રદૂષણ કરતા બૂલેટચાલકો સામે કાર્યવાહી કરાઈ છે. રાજકોટમાં 26 બૂલેટચાલકને દંડ કરાયો છે. હવા અને ધ્વની પ્રદૂષણ ફેલવતા બૂલેટચાલકોને પોલીસે પકડી અને દંડ કર્યો છે. પોલીસે કુલ 26 બૂલેટચાલકો પાસેથી 26 હજારનો દંડ વસૂલ્યો છે.
મહત્વનું છે કે, થોડા દિવસ અગાઉ ગોધરા શહેરમાં પ્રદૂષણ મામલે ટ્રાફિક પોલીસની કાર્યવાહી કરી હતી. ધ્વનિ પ્રદૂષણ ફેલાવતા 21 બુલેટ બાઈક ડિટેઇન કરાયા હતા. ગોધરાના એડવોકેટ રમજાની જૂજારાએ ધ્વનિ પ્રદૂષણ સામે ફરિયાદ કરી હતી. વાહન વ્યહાર મંત્રી આર.સી.ફળદુને આ અંગે લેખિતમાં રજૂઆત કરાઈ હતી. અને આર.સી.ફળદુએ કાર્યવાહી કરવા ગૃહમંત્રીને લેખિતમાં રજૂઆત કરી હતી. ધ્વનિ પ્રદૂષણ ફેલાવતા 21 બુલેટ બાઈક ચાલકોને ડિટેઈન કરીને RTOના મેમો અપાયા હતા.