મોટા સમાચાર / બુલડોઝરની કાર્યવાહી રોકે યોગી સરકાર: જમીયત ઉલેમાએ કરી સુપ્રીમ કોર્ટમાં અરજી

• યુપીમાં ચાલી રહેલી બુલડોઝરની કાર્યવાહી સામે સુપ્રીમમાં અરજી
• જમીયતે ઉલેમાએ કરી અરજી
• યોગી સરકારની કાર્યવાહીને તાત્કાલિક રોકવા માટે આજીજી કરી

જમીયત ઉલેમા-એ-હિંદે યુપીમાં ચાલી રહેલી બુલડોઝર કાર્યવાહી વિરુદ્ધ સુપ્રીમ કોર્ટમાં અરજી દાખલ કરી છે. જમીયતે કોર્ટ પાસે માંગ કરી છે કે તેણે યુપી સરકારને આ કાર્યવાહી રોકવાનો નિર્દેશ આપવો જોઈએ. અરજીમાં કહેવામાં આવ્યું છે કે, યોગ્ય કાયદાકીય પ્રક્રિયા વિના કાર્યવાહી કરવામાં આવી રહી છે. આ સાથે જમીઅતે બુલડોઝરની કાર્યવાહી માટે જવાબદાર અધિકારીઓ સામે કાર્યવાહી કરવાની પણ માંગ કરી છે.

3 જૂનના રોજ બની હતી પથ્થરમારાની ઘટના

જમીયત ઉલેમા-એ-હિંદના લીગલ સેલના સેક્રેટરી ગુલઝાર અહેમદ આઝમીના હસ્તાક્ષર હેઠળ દાખલ કરવામાં આવેલી અરજીમાં કહેવામાં આવ્યું છે કે 3 જૂને કાનપુરમાં મુસ્લિમ સમુદાયના લોકોએ પ્રોફેટ વિશે અપમાનજનક ટિપ્પણીના વિરોધમાં પ્રદર્શન કર્યું હતું. તે લઈને હિંદુ સમુદાયના લોકો સાથે ઘર્ષણ થયું હતું. જે બાદ બંને સમુદાયના લોકોએ પથ્થરમારો કર્યો હતો. પરંતુ તે પછી વહીવટીતંત્રે એકતરફી કાર્યવાહી કરી હતી. એક વર્ગના લોકોના ઘરો પર બુલડોઝર ચલાવવામાં આવ્યું હતું.

એક બાજુ જાણી જોઈને ટાર્ગેટ બનાવવામાં આવ્યા

જમિયતની અરજીમાં કહેવામાં આવ્યું છે કે બુલડોઝરની કાર્યવાહી પહેલા મુખ્યમંત્રી, કાનપુરના એડીજી અને પોલીસ કમિશનરે આ અંગે નિવેદનો આપ્યા હતા. આનાથી સ્પષ્ટ થાય છે કે એક બાજુ જાણીજોઈને નિશાન બનાવવામાં આવી છે. આ કાર્યવાહી ઉત્તર પ્રદેશ (બિલ્ડિંગ ઓપરેશન્સનું નિયમન) અધિનિયમ, 1958ની કલમ 10 અને ઉત્તર પ્રદેશ શહેરી આયોજન અને વિકાસ અધિનિયમ, 1973ની કલમ 27નું ઉલ્લંઘન છે. આ કાયદાઓમાં એવી જોગવાઈઓ છે જેમ કે કોઈપણ બાંધકામના માલિકને કાર્યવાહી કરતા પહેલા 15 દિવસની નોટિસ આપવી અને મિલકતના માલિકને કાર્યવાહી રોકવા માટે અપીલ કરવા માટે 30 દિવસનો સમય આપવો. પરંતુ યુપીમાં તેનું પાલન કરવામાં આવી રહ્યું નથી.

અરજીમાં એવું પણ કહેવામાં આવ્યું છે કે, દેશભરમાં ચાલી રહેલા બુલડોઝર એક્શન સામેનો મામલો પહેલાથી જ સુપ્રીમ કોર્ટમાં પેન્ડિંગ છે. કોર્ટે દિલ્હીના જહાંગીરપુરીમાં પણ આવી કાર્યવાહી પર પ્રતિબંધ મૂક્યો હતો. હવે કોર્ટે યુપી સરકારને પણ યોગ્ય કાયદાકીય પ્રક્રિયાને અનુસર્યા વિના કોઈપણ બાંધકામ તોડી પાડવાનો નિર્દેશ આપવો જોઈએ.