બિઝનેસ / સરકારી કર્મચારીઓ માટે ખુશખબર, મોંઘવારી ભથ્થામાં થઈ શકે આટલો વધારો

સરકારી કર્મચારીઓને એક મોટી ભેટ આપવામાં આવનાર છે. સરકાર ટૂંક સમયમાં જુલાઈથી મોંઘવારી ભથ્થામાં વધારો કરવા જઈ રહી છે. અહેવાલો અનુસાર, આ વખતે સરકાર કેન્દ્રીય કર્મચારીઓના મોંઘવારી ભથ્થા (DA) અને મોંઘવારી રાહત (DR) માં 58 ટકાનો વધારો કરી શકે છે. આ વધારાની જાહેરાત ઓગસ્ટમાં થઈ શકે છે.

મોંઘવારી ભથ્થું કેટલું વધી શકે છે?

મે 2025 માટે ઓલ ઈન્ડિયા કન્ઝ્યુમર પ્રાઈસ ઇન્ડેક્સ (AICPI-IW) 0.5 પોઈન્ટ વધીને 144 થયો છે. માર્ચથી મે સુધી, આ ઇન્ડેક્સ સતત 3 મહિના સુધી વધ્યો છે. માર્ચમાં તે 143, એપ્રિલમાં 143.5 અને હવે મેમાં 144 હતો. આ ટ્રેન્ડને જોતા, જુલાઈ 2025 થી મોંઘવારી ભથ્થામાં 3 થી 4 ટકાનો વધારો થવાની શક્યતા છે.

હાલમાં, કેન્દ્રીય કર્મચારીઓ માટે મોંઘવારી ભથ્થું 55% છે. DA વધારા અંગેનો અંતિમ નિર્ણય જૂન 2025 ના AICPI-IW ડેટા પર આધાર રાખશે કે મોંઘવારી ભથ્થામાં કેટલો વધારો થશે. આ ડેટા ઓગસ્ટમાં જાહેર કરવામાં આવશે. જો 3% નો વધારો થાય છે, તો કેન્દ્રીય કર્મચારીઓનો DA વધીને 58% થઈ જશે. બીજી તરફ, જો મોંઘવારી ભથ્થામાં 4% વધારો થાય છે, તો તે વધીને 59% થઈ જશે.

ક્યારે થશે જાહેરાત ?

જૂન 2025 માટે CPI-IW ડેટા જુલાઈના અંતમાં અથવા ઓગસ્ટની શરૂઆતમાં આવશે. આ આધારે, કેન્દ્રીય મંત્રીમંડળ મોંઘવારી ભથ્થાનો નિર્ણય લેશે. આ વધારો કેન્દ્રીય મંત્રીમંડળ સપ્ટેમ્બર-ઓક્ટોબરમાં કરી શકે છે. ત્યારબાદ આ વધેલો ભથ્થો જુલાઈ મહિનાથી ઉમેરવામાં આવશે. DAમાં આ વધારો 8મા પગાર પંચ લાગુ ન થાય ત્યાં સુધી રહેશે.

આ પણ વાંચો : VIDEO: ત્રણ કરોડ લોકોએ જોયો વીડિયો! ચાલુ વરસાદમાં 'દીદી'નો ગજબ જુગાડ

8મું પગારપંચ ક્યારે લાગુ થશે?

જો આપણે પાછલા પગારપંચના ઇતિહાસ પર નજર કરીએ તો, કોઈપણ કમિશનની ભલામણોને લાગુ કરવામાં 18 થી 24 મહિનાનો સમય લાગે છે. આવી સ્થિતિમાં, એવું માનવામાં આવે છે કે 8મું પગારપંચ 2027 સુધીમાં જ લાગુ થઈ શકે છે. આનો અર્થ એ છે કે કેન્દ્રીય કર્મચારીઓને મોંઘવારી ભથ્થામાં ઘણા વધુ વધારો મળી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ