વડોદરામાં બિલ્ડીંગ કોન્ટ્રાક્ટર દંપતીએ આર્થિક સંકડામણનાં કારણે ઝેરી દવા પીને આપઘાત કરવાનો પ્રયાસ કર્યો છે. આર્થિક ભીંસમાં આવી ગયેલાં દંપતીએ જીવન ટૂંકાવી દેવાનો પ્રયાસ કર્યો છે. જેમાં પતિનું મોત થયું છે. જ્યારે પત્નીને ગંભીર હાલતમાં હોસ્પિટલ ખાતે ખસેડી દેવાઇ છે.
સિંઘરોટ સમિયાલા માર્ગ પર પોતાની કારમાં જ દંપતીએ વિષપાન કર્યું હતું. મહત્વનું છે કે કારમાં બંને લોકો બેભાન હાલતમાં મળી આવ્યાં હતાં ત્યારે પતિનું મોત થયું હોવાનું જણાયું હતું. આ કોન્ટ્રાક્ટરને અન્ય બિલ્ડરો પાસે તેમની 4 કરોડની ઉઘરાણી હતી. પરંતુ બિલ્ડરોએ પૈસા ન ચૂકવતાં આ પરિવાર આર્થિક ભીંસમાં આવી ગયો હોવાનું પ્રાથમિક તપાસમાં જણાયું છે.