તાપી જિલ્લાનું બુહારી ગામને ISO સર્ટિફાઈડ ગામનો દરજ્જો, સરકારની યોજનાઓ ઘરે-ઘરે પહોંચી,
ગુજરાતનું ISO સર્ટિફાઈડ ગામ
વિશ્વમાં લેવાય છે ગામની નોંધ
તમામ પ્રકારની સુવિધાઓથી સજ્જ
ગામડું એવું હોવું જોઈએ. કે, દેશભરમાં તેની નોંધ લેવાય.ગામમાં એવી સુવિધાઓ હોવી જોઈએ કે, લોકોને ક્યારેય મુશ્કેલીઓ ન પડે.આવું જ એક ગામ ગુજરાતમાં આવેલું છે. જે તમામ સુવિધાઓથી સજ્જ છે. અને આ ગામને આઈ.એસ.ઓ. સર્ટિફાઈડની માન્યતા મળેલ છે.
બુહારી ગ્રામપંચાયતની જિલ્લામાં બોલબાલા
આપણે જે ગામની વાત કરી રહ્યા છીએ. તે તાપી જિલ્લાનું બુહારી ગામ છે. આ ગામ છે તો નાનકડું. પરંતુ ગામમાં તમામ પ્રકારની સુવિધાઓ છે.ગામની પંચાયત દ્વારા વૃદ્ધોથી લઈને યુવાનોની જરૂરીયાતોનું પણ ધ્યાન રાખવામાં આવ્યું છે. અને ગ્રામ પંચાયતનો કાર્યભાર પણ યુવાનોના હાથમાં જ સોંપવામાં આવ્યો છે. આમ ગ્રામ પંચાયતની સર્વશ્રેષ્ઠ ગામગીરી અને સ્ટાન્ડર્ડને ધ્યાને રાખતા ISO સર્ટિફિકેટ એનાયત કરવામાં આવ્યું છે.
કઈ કઈ સુવિધાઑથી સજ્જ છે આ ગામ?
ગામની સુવિધાઓની જ વાત છે ત્યારે આ દ્રશ્યો જ દર્શાવે છે કે, બુહારી ગામમાં કેવા પ્રકારની સુવિધાઓ ઉપબલ્ધ છે. છતાં આપને જણાવી દઈએ કે, બુહારી ગામમાં દરેક ખુણે સીસીટીવી કેમેરા લાગેલા છે. ગામમાં વાઈફાઈ, રેઈન વોટર હાર્વેસ્ટિંગ સિસ્ટમ, સૌર ઊર્જા, સહિતની વિવિધ સરકારી યોજનાઓના લાભો પણ ઘરબેઠા મળી રહે તેવી વ્યવસ્થા કરાઈ છે. ખાસ વાત તો એ છે કે, ગ્રામપંચાયતનું ભવન પણ સૌરઊર્જાથી ચાલી રહ્યું છે. અને ગ્રામંપચાયતમાં પણ તમામ કામગીરી ડિજિટલી થાય છે. આ તમામ સુવિધા જે ગામમાં સરળતાથી ગામલોકોને મળી શક્તિ હોય તે ગામની સ્વાભાવિક રીતે નોંધ લેવાય જ.
દરેક ગામે નોંધ લેવી જોઈએ
ગુજરાતના દરેક ગામ આ રીતે પ્રગતિ કરી શકે છે. બસ સારા પ્રતિનિધિત્વની જરૂર હોય છે. ત્યારે આશા રાખીએ કે, વીટીવી ન્યૂઝનો આ રિપોર્ટ જોયા બાદ અન્ય ગામના લોકો પણ પોતાના ગામને સમૃદ્ધ અને સુવિધા સભર બનાવવા માટે પ્રયાસ કરશે. અને ગામનો કારોભાર યુવા પેઢીના હાથમાં સોંપશે.