નાણામંત્રી નિર્મલા સીતારમણે પહેલું બજેટ 2019 2 કલાક અને 17 મિનિટમાં પૂર્ણ કર્યું હતું. પરંતુ આ વર્ષે તેઓએ પોતાનો રેકોર્ડ તોડી દીધો હતો. તેઓએ બજેટને 2 કલાક અને 41 મિનિટના સમયમાં પૂર્ણ કર્યું. જો કે લાંબા ભાષણ બાદ પણ બજેટના છેલ્લા 2 પાનાં તેઓ નાદુરસ્ત તબિયતના કારણે વાંચી શક્યા ન હતા.
નાણામંત્રીએ 2 કલાક 41 મિનિટ સુધી વાંચ્યું બજેટ
1977માં હિરુભાઈ પટેલે આપ્યું સૌથી નાનું ભાષણ
નાણામંત્રીએ તોડ્યો પોતાનો જ રેકોર્ડ
શનિવારે અને 1 ફેબ્રુઆરીએ રજૂ થયેલા બજેટની ખાસ વાત તો એ છે બજેટના છેલ્લા 2 પાનાં નાણાંમંત્રી વાંચી શક્યા ન હતા. બજેટ વાંચતી સમયે નિર્મલા સીતારમણની તબિયત બગડી હતી અને કેન્દ્રીય મંત્રી હરસિમરત કૌરે તેમને પાણી આપ્યું હતું. 2014માં તત્કાલિન નાણામંત્રી અરુણ જેટલીનું બજેટ ભાષણ પણ 2 કલાક 10 મિનિટનું હતું. જ્યારે પૂર્વ નાણામંત્રી જસવંત સિંહે 2003માં લગભગ 2 કલાક 13 મિનિટનું બજેટ ભાષણ વાંચ્યું હતું.
સૌથી નાનું બજેટ ભાષણ
2 કલાકથી વધારે બજેટ ભાષણ અનેક છે. હાલ સુધી નાણામંત્રી નિર્મલા સીતારમણ જેટલું લાંબુ ભાષણ નથી. 2003માં તત્કાલીન નાણામંત્રી જસવંત સિંહે 2 કલાક 13 મિનિટનું બજેટ ભાષણ આપ્યું હતું. 2014માં તત્કાલિન નાણામંત્રી અરુણ જેટલીનું બજેટ ભાષણ પણ 2 કલાક 10 મિનિટનું હતું. શબ્દોની રીતે વાત કરવામાં આવે તો 1991માં નાણામંત્રી મનમોહન સિંહે 18,650 શબ્દોનું, 2017માં અરુણ જેટલીએ 18,604 શબ્દોનું, 1977માં હિરુભાઈ પટેલે 800 શબ્દોમાં સૌથી નાનું ભાષણ આપ્યું હતું.
જે શબ્દ પર વિપક્ષે કર્યો પ્રહાર, તેનો સૌથી વધારે 7 વાર પ્રયોગ
નાણામંત્રી સીતારમણે 2 કલાક 41 મિનિટમાં ટેક્સ શબ્દનો 132 વાર, ખેડૂત શબ્દનો 12 વાર તો યુવા શબ્દનો 11 વાર પ્રયોગ કર્યો હતો. સરકારને રોજગાર પર ઘેરતાં રોજગાર શબ્દનો કુલ 7 વાર પ્રયોગ કરાયો હતો. બેંક શબ્દનો 23 વાર, લોન શબ્દનો 6 વાર, મહિલા શબ્દનો 10 વાર તો ગામ શબ્દનો 1 વાર ઉપયોગ થયો. ગ્રામીણ શબ્દ 4 વાર, અરબ્ન 4 વાર, શહેર 15 વાર, પ્રધાનમંત્રી શબ્દનો 15 વાર અને નોકરી શબ્દનો 8 વાર, શિક્ષણ શબ્દનો 19 વાર ઉલ્લેખ થયો છે.