બજેટ / નાણા મંત્રાલયએ શરૂ કરી તૈયારી, પ્રક્રિયાને ગુપ્ત રાખવા 'Quarantine Mode' લાગુ

નાણાં મંત્રી તરીકે નિર્મલા સીતારમન પોતાનું પ્રથમ વખત બજેટ રજૂ કરશે. નોર્થ બ્લોકમાં બજેટ અંગેની કામગીરી પણ શરૂ કરી દેવામાં આવી છે. જેથી નાણાં મંત્રાલયમાં ક્વૈરનટાઈન લાગુ કરી દેવામાં આવ્યો છે. બજેટ પ્રક્રિયાને ગુપ્ત રાખવા માટે ક્વૈરનટાઈન લાગુ કરી દેવામાં આવ્યો છે. નોર્થ બ્લોકમાં નાણાં મંત્રાલયના અધિકારીઓ અને કર્મચારીઓને પણ રાખવામાં આવ્યા છે.
 

જો કે આ અધિકારીઓ બજેટ રજૂ થાય નહીં ત્યાં સુધી બહારના લોકોનો સંપર્ક કરી શકશે નહીં. પાંચમી જુલાઇ સુધી અધિકારીઓ અને કર્મચારીઓ કોઈને મળી પણ નહીં શકે. આ ઉપરાંત મુલાકાતીઓ અને મીડિયાનો પ્રવેશને પણ નાણાં મંત્રાલયમાં પ્રતિબંધ કરવામાં આવ્યો છે.
 

નોર્થ બ્લોકમાં ઈલેક્ટ્રોનિક્સ ઉપકરણોથી નજર રાખવામાં આવશે. મંત્રાલયમાં કમ્પ્યુટરમાં ઈમેલ સેવા પણ બ્લોક કરી દેવામાં આવી છે. જેથી કોઈ વિગત બહાર લીક થાય નહીં. આ ઉપરાંત ક્વૈરનટાઈન દમરિયાન મંત્રાલયમાં સુરક્ષાકર્મીઓ પણ તૈનાત રહેશે. આ સિવાય આઈ.બી. બજેટ પ્રક્રિયામાં જોડાયેલા કર્મચારીઓ પર નજર રાખશે.