આજે અમદાવાદ અને સુરત મહાનગર પાલિકાનું વર્ષ 2022-23નું બજેટ રજૂ કરવામાં આવશે
અમદાવાદ અને સુરત મહાપાલિકાનું વર્ષ 2022-23નું બજેટ રજૂ થશે
અમદાવાદમાં સ્ટેન્ડિંગ કમિટીમાં ફાઇનલ બજેટ રજૂ કરાશે
સુરત ખાતે મનપા કમિશનર ડ્રાફ્ટ બજેટ રજૂ કરશે.
અમદાવાદ મહાપાલિકાની વિવિધ શાખાના બજેટ થશે રજૂ
અમદાવાદ મહાનગરપાલિકામાં આજે મળનારી સ્ટેન્ડિગં કમિટીમાં ફાઈનલ બજેટ રજૂ કરવામાં આવશે. જેમાં અમદાવાદ મહાપાલિકાના VS હોસ્પિટલ, AMTS, એમ.જે.લાયબ્રેરી જેવા વિવિધ શાખાઓના બજેટ મંજૂર કરાશે. મહત્વનું છે કે, સ્ટેન્ડિંગ કમિટીમાં ફાઈનલ બજેટમાં એમ.જે.લાયબ્રેરીનું 15.33 કરોડનું ડ્રાફ્ટ બજેટ, V.S. હોસ્પિટલ માટે 173 કરોડનું સુધારા સાથેનું ડ્રાફ્ટ બજેટ તેમજ AMTS બજેટ રજૂ કરવામાં આવશે.
સુરત મનપાનું વર્ષ 2022-23નું ડ્રાફ્ટ બજેટ રજૂ કરાશે
બીજી તરફ સુરત મનપા પણ આજે વર્ષ 2022-23નું ડ્રાફ્ટ બજેટ રજૂ કરશે. જેમાં મનપા કમિશનર ડ્રાફ્ટ બજેટ રજૂ કરશે.ઉલ્લેખનીય છે કે, ગત વર્ષના અનેક પ્રોજેક્ટ મંથર ગતિએ ચાલી રહ્યાં છે. જેને લઈને નવા મોટા પ્રોજેક્ટની સંભાવના નહીંવત છે. તેમજ વિધાનસભાની ચૂંટણીને લઈને નવા કર કે વધારાની શક્યતાઓ ઓછી છે. આ સાથે સુરત મનપાનું વર્ષ 2022-23નું બજેટ 7 હજાર કરોડ રહે તેવી શક્યતા રહેલી છે.