જાહેરાત / ગામડાઓ માટે બજેટમાં મોટી જાહેરાત, પોસ્ટ ઓફિસમાં શરૂ થશે કોર બેન્કિંગ, ATM પણ હશે

• ગામડાઓનો વિકાસ હવે હાથવેંત
• મોદી સરકારે બજેટમાં કર્યું મોટું એલાન
• ગામડાઓમાં શરૂ થશે વાઈબ્રન્ટ વિલેજ શિડ્યુલ્ડ કોમર્શિયલ બેંકો

ત્યારે તેમણે છેવાડાના ગામડાના વિકાસને લઈને મોટું એલાન કર્યું હતું. 

છેવાડાના ગામડાના વિકાસ માટે મોટું એલાન 

ગ્રામીણો માટે સરકારની મોટી જાહેરાત#BudgetSession2022 #Budget2022 #UnionBudget #NirmalaSitharaman #PMModi #ModiGovt #BudgetwithVTV pic.twitter.com/QL0WDdEhoj

— VTV Gujarati News and Beyond (@VtvGujarati) February 1, 2022

નાણામંત્રી નિર્મલા સીતારમણે કહ્યું કે 2022માં 1.5 લાખ પોસ્ટ ઓફિસમાં કોર બેન્કિંગ સિસ્ટમ 100 ટકા હશે. તેમણે કહ્યું કે સરહદી ગામડાઓમાં માળખાગત વિકાસ માટે વાઈબ્રન્ટ વિલેજ શિડ્યુલ્ડ કોમર્શિયલ બેંકો શરૂ કરવામાં આવશે. 75 જિલ્લામાં 75 ડિજિટલ બેન્કિંગ યુનિટ શરૂ કરશે. સરકાર લઘુત્તમ સરકાર અને મહત્તમ શાસન માટે પ્રતિબદ્ધ છે.

1486 નકામા કાયદાનો અંત આવશેઃ નાણામંત્રી

તેમના ચોથા બજેટ ભાષણમાં નાણાપ્રધાન નિર્મલા સીતારમણે કહ્યું હતું કે બિઝનેસ કરવામાં સરળતા માટે 1486 નકામા કાયદાઓ નાબૂદ કરવામાં આવશે.

5G સેવા 2022માં શરૂ થશે- નાણામંત્રી

5G સેવા વર્ષ 2022માં શરૂ કરવામાં આવશે અને ગામડાઓમાં બ્રોડબેન્ડ સેવા પૂરી પાડવા માટે ઈન્ફ્રાસ્ટ્રક્ચર વિકસાવવામાં આવશે તેવી જાહેરાત નાણામંત્રીએ બજેટમાં કરી હતી. તો આ સાથે જ તેમણે વધુમાં કહ્યું હતું કે, ટેલિકોમ સેક્ટરમાં નોકરીની નવી તકો શોધવામાં આવશે.

ઈ-પાસપોર્ટ અપાશે

નાગરિકોની સુવિધામાં વધારો કરવા માટે આગામી વર્ષ 2022-23માં ઈ-પાસપોર્ટ જાહેર કરવામાં આવશે. લોકોને પાસપોર્ટની સમસ્યાનો સામનો કરવો પડતો હોય છે. આ પ્રક્રિયાને સરળ બનાવવા માટે સરકારે મોટી પહેલ કરી છે.

75 જિલ્લામાં 75 ડિજિટલ બેંકિંગ શરૂ કરશેઃ નાણામંત્રી

નાણામંત્રી નિર્મલા સીતારમણે કહ્યું કે તાજેતરના સમયમાં ડિજિટલ બેન્કિંગ અને ડિજિટલ પેમેન્ટનો ટ્રેન્ડ વધ્યો છે. કેન્દ્ર સરકાર આને પ્રોત્સાહન આપશે અને 75માં સ્વતંત્રતા દિવસના અવસર પર અમે દેશના 75 જિલ્લામાં 75 ડિજિટલ બેંકિંગ યુનિટ શરૂ કરીશું. આ તમામ યુઝર ફ્રેન્ડલી હશે અને સામાન્ય લોકોને તેનો સીધો લાભ મળશે.

પીએમ આવાસ યોજના હેઠળ 80 લાખ નવા મકાનો: નાણામંત્રી

નાણામંત્રી નિર્મલા સીતારમણે તેમના બજેટમાં કહ્યું હતું કે, 2022-23માં પીએમ આવાસ યોજના હેઠળ 80 લાખ નવા મકાનો બનાવવામાં આવશે. તેમના માટે 48 હજાર કરોડ રૂપિયાનું ફંડ રાખવામાં આવ્યું છે.

ડિજિટલ યુનિવર્સિટીની સ્થાપના કરવામાં આવશે

નિર્મલા સીતારમણે કહ્યું કે કોરોના સમયગાળા દરમિયાન અભ્યાસમાં ઘણું નુકસાન થયું હતું. તેણીએ કહ્યું કે એક વર્ગ એક ટીવી ચેનલને 12 થી વધારીને 200 ટીવી ચેનલો કરવામાં આવશે. આ ઉપરાંત ડિજિટલ યુનિવર્સિટીની સ્થાપના કરવામાં આવશે. સાથે જ માનસિક સમસ્યાઓ માટે નેશનલ ટેલિમેન્ટલ હેલ્થ પ્રોગ્રામ પણ શરૂ કરવામાં આવશે.

ખેડૂતોને ડિજિટલ સેવાઓ આપવામાં આવશે - સીતારમણ

નાણામંત્રીએ કહ્યું કે ખેડૂતોને ડિજિટલ સેવાઓ પૂરી પાડવામાં આવશે અને ભારતમાં ગરીબી નાબૂદીના લક્ષ્ય પર જોરશોરથી કામ કરવામાં આવશે. ડ્રોન દ્વારા કૃષિ ક્ષેત્રને પ્રોત્સાહન આપશે. 100 ગતિ શક્તિ કાર્ગો ટર્મિનસ બનાવવામાં આવશે.

ભણતરમાં ખેતીને લગતા અભ્યાસક્રમો ઉમેરવામાં આવશે

તેમના અભ્યાસક્રમમાં ફોર્મિંગ કોર્સનો સમાવેશ કરવા માટે  રાજ્ય સરકારોને પ્રોત્સાહિત કરવામાં આવશે. ગંગા કોરિડોરની આસપાસ કુદરતી ખેતીને પ્રોત્સાહન આપવામાં આવશે.

નેશનલ હાઈવેની લંબાઈ 25,000 કિમી સુધી વધશે

નાણામંત્રીએ કહ્યું કે 2022-23ની વચ્ચે નેશનલ હાઈવેની લંબાઈ વધારીને 25,000 કિમી કરવામાં આવશે.

આગામી ત્રણ વર્ષમાં 400 વંદે ભારત ટ્રેનો આવશે

નાણામંત્રી સીતારમણે કહ્યું કે આગામી ત્રણ વર્ષમાં 400 નવી વંદે ભારત ટ્રેનો તૈયાર કરવામાં આવશે. આ સાથે આગામી ત્રણ વર્ષમાં 100 PM ગતિ શક્તિ કાર્ગો ટર્મિનલ બનાવવામાં આવશે. આ સાથે 8 નવા રોપ-વે બનાવવામાં આવશે.

60 લાખ યુવાનોને નોકરીનું વચન

સીતારમણે કહ્યું કે બજેટથી ખેડૂતો, યુવાનોને ફાયદો થશે. આત્મનિર્ભર ભારતમાંથી 16 લાખ યુવાનોને નોકરી આપવામાં આવશે.

LICનો IPO ટૂંક સમયમાં આવશે - સીતારમણ

 નાણા મંત્રી સીતારમણે કહ્યું કે એર ઈન્ડિયાનું ડિસઈન્વેસ્ટમેન્ટ પૂર્ણ થઈ ગયું છે અને એલઆઈસીનો આઈપીઓ ટૂંક સમયમાં આવશે.

2022-23માં વિકાસ દર 9.2 રહેવાનો અનુમાન

નાણામંત્રી સીતારમણે કહ્યું કે આવતા 25 વર્ષમાં ભારત પોતાની આઝાદીના 100 વર્ષ પૂર્ણ કરશે ત્યારે તે સમયનું ખાસ બજેટ રજૂ કરશે. તેમણે કહ્યું કે આવતા નાણાંકીય વર્ષમાં વિકાસ દર 9.2 ટકા રહેવાનું અનુમાન છે. સ્વાસ્થ્યના માળખાને મજબૂત કરવાની કોશિશ કરવામાં આવી રહી છે.

નિર્મલા સીતારમણનું બજેટ ભાષણ શરૂ

નિર્મલા સીતારમણનું બજેટ ભાષણ શરૂ થઈ ગયું છે. કોરોના મહામારીનો ઉલ્લેખ કરતા તેમણે કહ્યું કે અમને આશા છે કે ભારત તેની વિકાસ યાત્રા ચાલુ રાખશે.

સંસદમાં રજૂ થયુ બજેટ

બજેટ 2022 સંસદમાં વાંચવાની શરુઆત થઇ ગઇ છે.  બજેટ પર મોદી કેબિનેટે મહોર મારી દીધી છે. આ તેમનું ચોથું બજેટ છે અને આ વખતે પણ બજેટ પેપરલેસ સ્વરૂપે રજૂ કરવામાં આવી રહ્યું છે.