ખુશખબર / બજેટ 2022: ઈલેક્ટ્રીક વાહનો માટે મોદી સરકારની મોટી જાહેરાત, જાણીને ખરીદવા માટે ખચકાશો નહીં

• ઇલેક્ટ્રીક વ્હીકલના ઉપયોગને પ્રોત્સાહન અપાશે
• ઇલેક્ટ્રીક વાહનોને લગતી સુવિધા વધારવામાં આવશે

નાણામંત્રી નિર્મલા સીતારમણે બજેટમાં ઇલેક્ટ્રીક વાહનો પર ભાર મુક્યો છે .ઈલેક્ટ્રિક વાહનોને પ્રોત્સાહન આપવા વિશેષ જાહેરાત કરી છે.સરકાર બેટરી સ્વેપિંગ સુવિધાને પ્રોત્સાહન આપવા પર ધ્યાન કેન્દ્રીત કરશે.આ માટે સરકાર બેટરી સ્વેપિંગની પોલિસી લઇને આવશે.સરકાર ચાર્જિંગ ઇન્ફ્રાસ્ટ્રક્ચરને પ્રોત્સાહન આપવા માટે ખાનગી ક્ષેત્રની ભૂમિકા સુનિશ્ચિત કરશે.સરકારે ઇલેક્ટ્રીક વાહનો માટે મોટો લક્ષ્યાંક નક્કી કર્યો છે.સરકાર 2030 સુધીમાં દેશને સંપૂર્ણ રીતે ઈલેક્ટ્રિક બનાવવાના લક્ષ્ય તરફ કામ કરી રહી છે.

હાલ શું છે તકલીફ?
જણાવી દઈએ કે મોટી કિમંત હોવાને કારણે હાલ લોકો ઈલેક્ટ્રિક વાહનોની ખરીદી કરી શકતા નથી. આ સિવાય શહેરમાં પણ ઓછા ચાર્જિંગ પોઈન્ટ હોવાને કારણે લોકો જો ઇલેક્ટ્રીક વાહનો લે તો પણ તેમણે ઘણી મુસીબતોનો સામનો કરવો પડતો હતો.જેથી લોકો ઈચ્છીને પણ ઈલેક્ટ્રિકથી દૂર રહે છે .પણ હવે બેટરી સ્વેપિંગ સુવિધાને કારણે તમામ વસ્તુઑ આસાન થઈ જઈ જશે.

શું છે બેટરી સ્વેપિંગ પોલિસી?
જો તમારી ઈલેક્ટ્રિક ગાડીની બેટરી ડિસ્ચાર્જ થઇ ગઈ હોય તો હવે તેણે બદલી શકાશે એટલે કે ચાર્જ થયેલી બેટરીના સ્થાને તે રિપ્લેસ થઈ શકશે. આથી બેટરી ગાડીનો એક અલગ જ પાર્ટ થઈ જશે. આથી કારની કિમતમાં પણ ઘટાડો થશે. સાથે તમારે ચાર્જિગ સ્ટેશન જવાનો ધક્કો પણ મટી જશે.

શું થશે ફાયદો?
હવે ઈલેક્ટ્રિક કાર ખરીદવા વાળા લોકો વગર બેટરીએ કાર ખરીદી શકશે. આથી તમારી પાસે કોઈ પણ બીજી કંપનીની બેટરી લીઝ પર લેવાની છૂટ હશે. બેટરીની અદલા બદલીની પૂર્ણ પ્રોસેસમાં 5 મિનિટનો સમય લાગે છે. જાણકારોના મત મુજબ આથી ઈલેક્ટ્રિક ગાડીની કિમંતોમાં ઘણો ઘટાડો આવશે. સામે બેટરી ભાડેપટ્ટે મળશે.

ક્યાં દેશમાં બેટરી બદલવાની છૂટ છે?
સ્વીડન, નેધરલેન્ડ, નૉર્વેમાં મોટી સંખ્યામાં ઈલેક્ટ્રિક કાર જોવા મળે છે. જેથી આ દેશોમાં બેટરી બદલવાની સુવિધા સુચારું રૂપે ચાલુ છે. આને બીજા શબ્દોમાં બેટરી એ એ સર્વિસ મોડલ પણ કહેવામાં આવે છે.