નાણામંત્રી નિર્મલા સીતારમણે આજે સામાન્ય બજેટ 2021-22માં જૂના વાહનોને રસ્તા પરથી હટાવવા માટે સ્ક્રેપ પોલીસીની જાહેરાત કરી.
આ નીતિનું પાલન એપ્રિલ 2022થી થશે
15 વર્ષ જૂના વાહનોને સ્ક્રેપ કરવા માટે મોકલવાની નીતિ બનાવવામાં આવી રહી છે
વાહનોના ખર્ચમાં 30 ટકા સુધી ઘટાડો થવાની શક્યતા છે
‘ક્લીન એર’ને ધ્યાનમાં રાખીને આ પોલીસી હેઠળ 20 વર્ષ જૂના ખાનગી વાહનો અને 15 વર્ષ જૂના કમર્શિયલ વાહનોને ઓટોમેટિક ફિટેશ સેન્ટર પર તપાસ માટે જવાનું રહેશે. જો કે આની સાથે જોડાયેલી માહિતી પછીથી સામે આવશે.
જૂની સરકારી ગાડીઓ હટશે
હાલમાં જ રોડ રસ્તા પરિવહન અને રાજમાર્ગ મંત્રાલયના સરકારી વાહનો માટે 15 વર્ષ જૂના વાહનોને સ્ક્રેપ કરવા માટે મોકલવાની નીતિ બનાવવામાં આવી રહી છે. મંત્રાલયના આ નિર્ણયથી કેન્દ્ર, રાજ્ય સરકારો અને પબ્લિક સેક્ટરની કંપનીઓમાં ઉપયોગમાં લેવાતા 15 વર્ષ જૂના વાહનોને હટાવવામાં આવશે. જો કે આ નીતિનું પાલન એપ્રિલ 2022થી થશે.
2016થી હતી રાહ
કેન્દ્ર સરકારે મે 2016માં જૂના વાહનોને રસ્તા પરથી હટાવવા માટે Voluntary Vehicle Fleet Modernisation Programmeનો મુસદ્દો તૈયાર રાખ્યો હતો. સરકારનું અનુમાન છે કે આ નીતિથી સૌના માટે આવવાથી રસ્તાઓ પર 15 વર્ષ જૂના લગભગ 2.8 કરોડ વાહનોને હટાવવામાં મદદ મળશે.
પ્રદૂષણમાં રાહત
આઈઆઈટી બોમ્બેના એક અધ્યયન મુજબ કુલ વાયુ પ્રદૂષણમાં લગભગ 70 ટકા ભાગીદારી વાહનોથી થનારા પ્રદૂષણની છે. તેવામાં જૂના વાહનોને ભંગારમાં મોકલવાથી વાયુ પ્રદૂષણ ઓછુ કરવામાં મદદ મળશે.
ગાડીઓ સસ્તી થશે
રોડ પરિવહન મંત્રાલયનો અંદાજ છે કે સ્ક્રેપ પોલીસીથી રિસાઈકલ કાચો માલ ઉપલબ્ધ થશે. આ વાહનોના ખર્ચમાં 30 ટકા સુધી ઘટાડો થવાની શક્યતા છે. આનાથી બજેટમાં સ્ટીલ પર ઉત્પાદન ફી(કસ્ટમ ડ્યૂટી) પણ ઓછી કરવામાં આવશે. આનાથી વાહનોની કિંમતમાં હજું ઘટાડો થવાની શક્યતા છે.