Budget 2021 / આજથી જ લાગી રહ્યો છે આ TAX, ખાન પાનથી લઈને મોજ શોખ પર જાણો કેવી રીતે થશે તમારા ખિસ્સા પર અસર

• કેન્દ્ર સરકારે કરી મહત્વની જાહેરાત
• એગ્રી ઈન્ફ્રા ડેવલપમેન્ટ સેસ 2 ફેબ્રુઆરીથી લાગૂ થશે
• જાણો તમારા ખિસ્સા પર આજથી શું પડશે ફરક

કેન્દ્ર સરકારની જાહેરાત અનુસાર આજથી એગ્રી ઈન્ફ્રા ડેવલપમેન્ટ સેસ 2 ફેબ્રુઆરીથી લાગૂ થશે. આ સમયે તમારી રોજની જરૂરિયાતની ચીજો મોંધી થઈ શકે છે. આ સાથે જ તમારા ખિસ્સા પર કઈ વાતોમાં મોટી અસર થશે તે પણ જાણી લેવું જરૂરી છે. 

આ ચીજો પર સરકારે બજેટમાં લગાવ્યો એગ્રીકલ્ચર સેસ

1. પેટ્રોલ અને ડીઝલ પર ક્રમશઃ 2.5 રૂપિયા અને 4 રૂપિયા
2. સોના ચાંદી પર 2.5 ટકા
3. દારૂ પર 100 ટકા
4. કાચું પામ ઓઈલ પર 17.5 ટકા
5. કાચા સોયાબીન અને સૂરજમૂખી તેલ પર 20 ટકા
6. સફરજન પર 35 ટકા
7. યૂરિયા અને ફર્ટિલાઈઝર પર 5 ચકા
8. વટાણા પર 40 ટકા
9. કાબૂલી ચણા પર 30 ટકા
10. મસૂર પર 20 ટકા
11. કપાસ પર 5 ટકા

સફરજન ખાવું થયું મોંઘુ, ખાતનરની કિંમતો પણ વધી

મોટાભાગે લોકો સફરજન ખાવાનું પસંદ કરે છે. આ 12 મહિના મળી રહે છે. જે ક્યારેક સસ્તું હોય છે અને ક્યારેક મોંઘુ, પહેલાની સરખામણીએ તે આજે મોંઘું થશે. સરકારે 35 ટકા એગ્રી ઇન્ફ્રા સેસ લગાવવાથી હવે તે મોંઘુ બનશે. આ સાથે ખાતર પર પણ 5 ટકાનો સેસ લાગવાથી તે વધારે મોંઘું બની શકે છે. 

ખાવાના તેલ પર સેસ, મોંઘવારીની અસર નહીં

સરકારે કાચા પામ તેલ પર 17.5 ટકા, કાચા સોયાબીન અને સૂરજમુખીના તેલ પર 20 ટકાનો એગ્રી ઈન્ફ્રા સેસ લગાવ્યો છે. ગ્રાહકો પર કિંમતનો ભાર ન પડે તે માટે તેની પર બેઝિક કસ્ટમ ડ્યૂટીમાં ઘટાડો કરાયો છે. જો આવું ન થાત તો તમારા ખિસ્સા પર અસર થઈ શકે છે. 

સોનું અને ચાંદી સસ્તું થશે કે મોંઘુ

બજેટમાં સોનું અને ચાંદી પર ઉત્પાદ શુલ્ક 5 ટકા ઘટ્યો છે. તેને 12.5 ટકાથી ઘટાડીને 7.5 ટકા કરાયો છે. તો સોના અને તાંદીના બિસ્કિટ પર પણ સીમા શુલ્ક ઘટ્યો છે. એવામાં એપ્રિલમાં સોનું અને ચાંદી સસ્તું થવાની શકયતા છે. સરકારે સોના અને ચાંદી પર 2.5 ટકા એગ્રી ઇન્ફ્રા સેસ લગાવ્યો છે. એવામાં તાત્કાિક રીતે કિંમતોમાં વધારો પણ શક્ય છે. 

પેટ્રોલ અને ડીઝલ પણ થઈ શકે છે મોંઘા

બજેટમાં પેટ્રોલ પર 2.5 રૂપિયા પ્રતિ લિટર અને ડીઝલ પર 4 રૂપિયા પ્રતિ લિટરનો એગ્રી ઈન્ફ્રા સેસ લાગ્યો છે. એવામાં તેની કિંમતો વધવાની શક્યતા છે. જો કે આ ખાસ કરીને કંપનીઓ પર નિર્ભર રહે છે. 

આજથી દારુ થશે બમણો મોંઘો

આજથી દારૂ પીવો મોંઘો થશે કેમકે બજેટમાં એલ્કોહોલિક બેવરેજ પર 100 ટકા એગ્રી ઇન્ફ્રા સેસ લગાવાયો છે. આ રીતે દારૂ પીવાનું બમણું મોંઘું થઈ શકે છે. એટલે કે જે વ્યક્તિ પહેલાં 200 રૂપિયા ખર્ચ કરતો હતો તેને હવે એટલી જ કોન્ટિટી માટે 400 રૂપિયા ખર્ચ કરવાના રહેશે.