ટેક્સના નિયમ 80-Cમાં એટલા રોકાણના વિકલ્પ છે કે લોકો ભ્રમિત રહે છે. સૌથી મોટી વાત કે 1.5 લાખ રૂપિયાની સીમા ઓછી છે જેથી તેનો ફાયદો મળતો નથી. આ વર્ષે આ સીમા વધારીને ઓછામાં ઓછી 3 લાખ સુધીની કરાઈ શકે છે.
આ બજેટમાં શું મળશે સૌથી મોટી ભેટ
80-C માં રોકાણની રકમમાં કરાશે વધારો
રોકાણની સીમા 3 લાખ સુધી વધારાઈ શકે છે
આ પહેલાં વર્ષ 2014માં તત્કાલીન નાણામંત્રી અરુણ જેટલીએ તેને 1 લાખ રૂપિયાથી વધારીને 1.5 લાખ રૂપિયા કરી હતી. એક્સપર્ટ બલવંત જૈન કહે છે કે છેલ્લા 18 વર્ષમાં કલમ 80-Cની રોકાણની સીમા 1.5 લાખ રૂપિયાની છે. મોંઘવારી દર 6 ટકા પણ માની લઈએ તો રોકાણની સીમા ઓછામાં ઓછી 3 લાખ રૂપિયાની હોવી જોઈએ. ઈન્ડસ્ટ્રી ચેમ્બર ફિક્કીએ પણ આ સીમા વધારીને 6 લાખ રૂપિયા સુધી કરવાની માંગ કરી છે.
શું છે કલમ 80-C
ટેક્સની કલમ 80-Cના આધારે 1.5 લાખ રૂપિયા સુધીનું રોકાણ કરીને આવક ઘટાડી શકાય છે. એટલે કે તેના બદલે ઈન્કમ ટેક્સમાં છૂટ મેળવી શકાય છે. જો કોઈની વાર્ષિક આવક 6 લાખ રૂપિયા છે અને તેને 1.5 લાખ રૂપિયા 80-Cના રોકાણમાં લગાવ્યા છે તો તેની ટેક્સ ઈન્કમ 4.5 લાખ રૂપિયા ગણાય છે.
રોકાણમાં શું શું આવે.
આ રોકાણમાં તમે લાઈફ ઈન્શ્યોરન્સ પ્રીમિયમ, હોમ લોનનું પ્રિંસિપલ એમાઉન્ટ, ઈક્વિટી એમાઉન્ટ, ઈક્વિટી લિંક્ડ સેવિંગ સ્કીમ, પબ્લિક પ્રોવિડન્ટ ફંડ, એમ્પલોઈઝ પ્રોવિડન્ટ ફંડ, સ્ટેમ્પ ડ્યૂટી, પ્રોપર્ટી ખરીદવાના રજિસ્ટ્રેશન ચાર્જ, સુકન્યા સમૃદ્ધિ યોજના, નેશનલ સેવિંગ સર્ટિફિકેટ, સિનિયર સીટિઝન સેવિંગ સ્કીમ, પેન્શન, યૂલિપ પ્લાન, પાંચ વર્ષ સુધી ટેક્સ સેવિંગ એફડી કે બોન્ડમાં રોકાણ કરી શકાય છે.
હોમ લોનને અલગ રાખવી જોઈએ
કેટલાક એક્સપર્ટ કહે છે કે સેક્શન 80-Cમાં હોમ લોનને રાખવાની અનેક સમસ્યાઓ રહે છે. પહેલાં તો તેની લિમિટ પહેલાંથી ઘણી ઓછી છે. લોકો આમ કરવાથી તેનો ફાયદો લઈ શકતા નથી. હોમ લેનને બદલે ટેક્સ છૂટ માટે કોઈ અલગ સેક્સનમાં રોકાણ કરવું. જેમકે વર્ષ 2019માં હોમ લોનના વ્યાજ પર પહેલી વાર મકાન ખરીદી રહેલા લોકો માટે ડિડક્શનની એક અલગ કલમ 80ઈઈએ લાવવામાં આવી હતી.
ટેક્સમાં એટલી બધી ચીજોનો સમાવેશ કરાય છે પરંતુ તે દરેકનો લાભ મળી શકતો નથી. જેમકે બાળકોની સ્કૂલની ફી, પીએફ તો અનિવાર્ય છે. અનેક લોકોના આ મેન્ડેટરી ખર્ચ જ 1.5 લાખ રૂપિયા થઈ જાય છે. એવાાં હોમ લોનનું રિપેમેન્ટ જોડાય તો તે સીમાથી વધારે થઈ જાય છે. આ માટે આ સેક્શનથી લોકોનો ખાસ ફાયદો મળતો નથી. આ માટે હોમ લોનના મૂળધનના પેમેન્ટને આ છૂટ સીમાથી બહાર કરી દેવાય તે યોગ્ય છે.