નાણામંત્રી નિર્મલા સીતારમણે કહ્યું કે આવનારા સમયમાં દેશભરમાં પ્રી પેડ મીટર લગાવવામાં આવશે. આ સ્માર્ટ મીટર હશે જેની મદદથી સપ્લાયર અને રેટ પસંદ કરવાનો વિકલ્પ મળશે. બજેટમાં નાણામંત્રીએ 22 હજાર કરોડ રૂપિયા ઉર્જા ક્ષેત્રને ફાળવ્યા છે.
નાણામંત્રીએ વીજળીને લઈને કરી જાહેરાત
22 હજાર કરોડ રૂપિયા ઉર્જા ક્ષેત્રને ફાળવ્યા
દેશભરમાં પ્રી પેડ મીટર લગાવાશે
આ યોજનાને આધારે જૂના મીટરોને ધીમે ધીમે ઘટાડી શકાશે. પ્રી પેડ મીટરની મદદથી વીજળી કંપની પસંદ કરવાની આઝાદી મળશે. આ યોજનાનું એલાન કરતાં નાણામંત્રીએ કહ્યું કે હું પણ રાજ્ય અને કેન્દ્ર શાસિત પ્રદેશોમાં જૂના મીટર બદલીને પ્રી પેડ સ્માર્ટ મીટર આવનારા 3 વર્ષમાં લગાવવામાં આવશે. ગ્રાહક પોતાની સુવિધા અનુસાર કંપની અને રેટ પસંદ કરી શકશે. દરેકને વીજળી આપવાની દિશામાં આ મોટું પગલું છે. ડિસ્કોમમાં બદલાવ લાવવા માટે 22,000 કરોડ રૂપિયા પાવર અને અક્ષય ઉર્જાને માટે નિયમ લવાયો છે.
પ્રી પેડ મીટરના પ્લાન પર કેન્દ્ર સરકાર પહેલાંથી કામ કરી રહી છે. સરકાર 2022 સુધી દરેક મીટરને બદલી દેવાની યોજના બનાવી રહી છે.
શું હોય છે પ્રી પેડ મીટર?
પ્રી પેડ મીટર...નામથી જ સમજી શકાય છે કે તમારે પેમેન્ટ પહેલાં કરવાનું રહેશે. જે રીતે ડિશ ટીવીનું પહેલાં રિચાર્જ કરવાનું હોય છે અને પછી સુવિધા મળે છે તેમ હવે લાઈટ સાથે પણ થશે. સામાન્ય મીટરમાં પહેલાં વીજળી યૂઝ થતી હતી અને બિલ આવતું હતું પણ હવે પ્રી પેડમાં પહેલાં રિચાર્જ કરાવવાનું રહેશે. પછી વીજળી ઉપયોગ કરી શકાશે. યૂપી, દિલ્હી પહેલાંથી જ પ્રી પેડ મીટર ચાલી રહ્યા છે.