બજેટ રજૂ થાય તે પહેલા શેરમાર્કેટમાં મોટો ઘટાડો જોવા મળ્યો છે.માર્કેટ ખૂલતાંની સાથે જ સેન્સેક્સમાં 200 પોઈન્ટનો કડાકો જોવા મળ્યો. નિફ્ટીમાં પણ 98 પોઈન્ટનો ઘટાડો જોવા મળ્યો હતો. બજેટ હોવાના કારણે શનિવારે પણ માર્કેટ ખુલ્લું રખાયું હતું.
શનિવારે પણ ભારતીય શેરબજારમાં આવ્યો 1000નો કડાકો
બજેટના દિવસે શેરબજારમાં જોવા મળ્યો મોટો કડાકો
સેન્સેક્સ 200 પોઈન્ટ અને નિફ્ટીમાં 98 પોઈન્ટનો ઘટાડો
બજેટ 2020ના દિવસે શેરબજાર લાલ ઝોનમાં ખૂલ્યું, બોમ્બે સ્ટોક એક્સચેન્જનો પ્રમુખ ઈન્ડેક્સ સેન્સેક્સ સવારે 9.18 વાગે 167.60 અંક એટલે કે 0.41 ટકાના ઘટાડાની સાથે 40,555ના સ્તરે કારોબાર કરી રહ્યો હતો. નેશનલ સ્ટોક એક્સચેન્જનો નિફ્ટી 60.35 અંક એટલે કે 0.50 ટકાના ઘટાડાની સાથે 11,901.75ના સ્તરે કારોબાર કરી રહ્યો હતો.
બજેટ પહેલાં શેરબજારમાં કડાકો
બજેટ પહેલાં પ્રી ઓપન સમયે સવારે 9.05 વાગે બજારમાં ઘટાડો જોવા મળ્યો. સેન્સેક્સ 76.67 અંક એટલે કે 0.19 ટકાના ઘટાડા બાદ 40,646.82ના સ્તરે જોવા મળ્યો હતો. નિફ્ટી 73.70 અંક એટલે કે 0.61 ટકાના ઘટાડા સાથે 11,962.10ના સ્તરે રહ્યો.
નાણામંત્રી નિર્મલા સીતારમણ થોડી વારમાં બજેટ રજૂ કરશે. શનિવારે પણ ભારતીય શેરબજાર ખૂલ્લું છે. બજેટમાં કરવામાં આવેલા એલાનથી બજારની ચાલ નક્કી થશે. બોમ્બે સ્ટોક એક્સચેન્જ અને નેશનલ સ્ટોક એક્સચેન્જના વિશે સૂચના જાહેર કરવામાં આવી હતી. અન્ય કારોબારી દિવસોની જેમ શનિવારે પણ સેન્સેક્સ - નિફ્ટીમાં કારોબાર થશે. આજે સવારે 9 વાગ્યાથી લઈને 3.30 સુધી કારોબાર રહેશે. બજેટ સમયે હંમેશા શેરબજાર ખુલ્લું રહે છે. આજે શેરબજારમાં બજેટને લઈને ઉતાર ચઢાવ જોવા મળી શકે છે.